قازاقستان اۋىل شارۋاشىلىعى مينيسترلٸگٸ ەلگە بيداي ەكەلۋگە ۋاقىتشا تىيىم سالۋدى كٶزدەيتٸن بۇيرىق جوباسىن ەزٸرلەدٸ. قۇجاتقا سەيكەس, شەكتەۋ التى اي مەرزٸمگە ەنگٸزٸلۋٸ مٷمكٸن, دەپ حابارلايدى dalanews.kz.
تىيىم بيدايدى اۆتوموبيل, سۋ جەنە تەمٸرجول كٶلٸگٸ ارقىلى ەكەلۋگە قاتىستى بولماق. شەكتەۋ ٷشٸنشٸ ەلدەردەن, سونداي-اق ەۋرازييالىق ەكونوميكالىق وداققا مٷشە مەملەكەتتەردەن جەتكٸزٸلەتٸن بيدايعا دا قولدانىلادى.
دەگەنمەن قۇجاتتا بٸرقاتار ەرەكشەلٸك قاراستىرىلعان. اتاپ ايتقاندا, قۇس شارۋاشىلىعى جەنە استىق ٶڭدەۋ كەسٸپورىندارىنا, ليتسەنزيياسى بار ەلەۆاتورلارعا, سونداي-اق "ازىق-تٷلٸك كەلٸسٸمشارت كورپوراتسيياسى" ۇلتتىق كومپانيياسىنا بيدايدى تەمٸرجول ارقىلى ەكەلۋگە رۇقسات ەتٸلەدٸ. بٸراق مۇنداي استىقتى ٸشكٸ نارىقتا دا, سىرتقى نارىقتا دا ساتۋعا بولمايدى.
سونىمەن قاتار شەكتەۋ قازاقستان اۋماعى ارقىلى ٶتەتٸن تەمٸرجول ترانزيتٸنە جەنە ەاەو ەلدەرٸ اراسىنداعى قازاقستان ارقىلى ترانزيتپەن جٷزەگە اسىرىلاتىن جەتكٸزٸلٸمدەرگە قولدانىلمايدى.
اۋىل شارۋاشىلىعى مينيسترلٸگٸنٸڭ مەلٸمەتٸنشە, بۇل باستاما وتاندىق ٶندٸرۋشٸلەردٸ قولداۋعا جەنە ولاردىڭ ٶنٸمٸن تۇراقتى ٶتكٸزۋگە مٷمكٸندٸك بەرۋگە باعىتتالعان.
بۇيرىق جوباسى اشىق نورماتيۆتٸك-قۇقىقتىق اكتٸلەر پورتالىندا جارييالانىپ, 1 شٸلدەگە دەيٸن قوعامدىق تالقىلاۋعا شىعارىلدى.
