Qazaqstan Aýyl sharýashylyǵy ministrligi elge bidai ákelýge ýaqytsha tyiym salýdy kózdeitin buiryq jobasyn ázirledi. Qujatqa sáikes, shekteý alty ai merzimge engizilýi múmkin, dep habarlaidy dalanews.kz.
Tyiym bidaidy avtomobil, sý jáne temirjol kóligi arqyly ákelýge qatysty bolmaq. Shekteý úshinshi elderden, sondai-aq Eýraziialyq ekonomikalyq odaqqa múshe memleketterden jetkiziletin bidaiǵa da qoldanylady.
Degenmen qujatta birqatar erekshelik qarastyrylǵan. Atap aitqanda, qus sharýashylyǵy jáne astyq óńdeý kásiporyndaryna, litsenziiasy bar elevatorlarǵa, sondai-aq "Azyq-túlik kelisimshart korporatsiiasy" ulttyq kompaniiasyna bidaidy temirjol arqyly ákelýge ruqsat etiledi. Biraq mundai astyqty ishki naryqta da, syrtqy naryqta da satýǵa bolmaidy.
Sonymen qatar shekteý Qazaqstan aýmaǵy arqyly ótetin temirjol tranzitine jáne EAEO elderi arasyndaǵy Qazaqstan arqyly tranzitpen júzege asyrylatyn jetkizilimderge qoldanylmaidy.
Aýyl sharýashylyǵy ministrliginiń málimetinshe, bul bastama otandyq óndirýshilerdi qoldaýǵa jáne olardyń ónimin turaqty ótkizýge múmkindik berýge baǵyttalǵan.
Buiryq jobasy ashyq normativtik-quqyqtyq aktiler portalynda jariialanyp, 1 shildege deiin qoǵamdyq talqylaýǵa shyǵaryldy.
