وسىلايشا وبلىستاعى ستاسيونارلاردا ورىن تاپشىلىعى جويىلعان. ەگەر قاجەتتىلىك تۋىنداعان جاعدايدا جەكە كلينيكالاردى دا وڭتايلاندىرىپ پايدالانۋعا قاتىستى كەلىسىم بار.
ايماقتاعى ەمحانالار جانىنان قۇرىلعان 161 ءموبيلدى توپتىڭ حالىققا تىنباي قىزمەت ەتىپ، ۇيدەن ەمدەۋ شارالارىن قولعا العانى ارقاسىندا كوروناۆيرۋستان جازىلىپ شىققاندار سانى ارتۋدا.
2020 جىلعى 15 شىلدەگە دەيىنگى ورىنداردىڭ جۇكتەمەسى 77% قامتىعان بولسا، 21 شىلدەدە توسەك-ورىنداردىڭ جۇكتەمەسى 66%-دى قۇراعان. ياعني، اۋرۋحانادا ەم الۋشىلار سانى 9%-عا ازايعان.
سول سياقتى وبلىستا جەدەل جاردەمدى جالپى شاقىرىس 2 ەسەگە ازايسا، دەنە قىزۋىمەن حابارلاسۋشىلار 3 ەسەگە، پنيەۆمونيامەن شاقىرتۋلار 2،5 ەسەگە ازايعان. قازىرگى تاڭدا شاقىرتۋلار سانى تاۋلىگىنە 1200-1300ء-دى قۇراۋدا.
ايماق بويىنشا ەمحانالار جانىنان قۇرىلعان بارلىعى 161 ءموبيلدى توپ حالىققا قىزمەت كورسەتۋدە. ايتا كەتۋ كەرەك، بۇعان دەيىن ءموبيلدى برياگادانىڭ سانى 125-كە جەتكەن. توپتار ناۋقاستارعا امبۋلاتورلى جاعدايدا مەديسينالىق كومەكتىڭ قولجەتىمدىگىن قامتاماسىز ەتۋ ماقساتىندا جانە ديناميكالىق باقىلاۋدى قاجەت ەتەتىن ناۋقاستاردى ءۇي جاعدايىندا باقىلاۋ ماقستاىندا قۇرىلعان-دى.
جاعدايدى باعامداۋ ءۇشىن ۇيىمداستىرىلعان مونيتورينگتىك توپ تا قىزۋ جۇمىس ىستەۋدە. قىزىلوردا وبلىسىندا مۇنداي توپتاردىڭ 33ء-ى قالادا، 28ء-ى اۋدان ورتالىقتارىندا جانە 100ء-ى ەلدى مەكەندەردە حالىققا قىزمەت كورسەتۋدە.
20 شىلدەدەن باستاپ قىزىلوردا وبلىسىندا ەپيدەميولوگيالىق احۋال جايلى اقپارات الۋ ءۇشىن CALL ورتالىعى جۇمىس ىستەي باستادى. CALL ورتالىعى 14 قىزمەتكەرمەن قامتىلعان جانە 24/7 تارتىبىمەن، ياعني تاۋلىك بويى حالىققا قىزمەت كورسەتەدى.
قىزىلوردا وبلىسى بويىنشا 8-800-080-22-26، 40-00-01 CALL ورتالىعىنا حابارلاسۋ ارقىلى جانە Facebook الەۋمەتتىك جەلىسىندەگى #Oblystyq Jastar Densaylygy Ortalygy پاراقشاسىنا حابارلاما قالدىرۋ ارقىلى ەپيداحۋال جايلى اقپارات الىپ، كەرىس بايلانىس ورناتۋعا بولادى. قوڭىراۋ تەگىن قابىلدانادى.
