Osylaisha oblystaǵy statsionarlarda oryn tapshylyǵy joiylǵan. Eger qajettilik týyndaǵan jaǵdaida jeke klinikalardy da ońtailandyryp paidalanýǵa qatysty kelisim bar.
Aimaqtaǵy emhanalar janynan qurylǵan 161 mobildi toptyń halyqqa tynbai qyzmet etip, úiden emdeý sharalaryn qolǵa alǵany arqasynda koronavirýstan jazylyp shyqqandar sany artýda.
2020 jylǵy 15 shildege deiingi oryndardyń júktemesi 77% qamtyǵan bolsa, 21 shildede tósek-oryndardyń júktemesi 66%-dy quraǵan. Iaǵni, aýrýhanada em alýshylar sany 9%-ǵa azaiǵan.
Sol siiaqty oblysta jedel járdemdi jalpy shaqyrys 2 esege azaisa, dene qyzýymen habarlasýshylar 3 esege, pnevmoniiamen shaqyrtýlar 2,5 esege azaiǵan. Qazirgi tańda shaqyrtýlar sany táýligine 1200-1300-di quraýda.
Aimaq boiynsha emhanalar janynan qurylǵan barlyǵy 161 mobildi top halyqqa qyzmet kórsetýde. Aita ketý kerek, buǵan deiin mobildi briagadanyń sany 125-ke jetken. Toptar naýqastarǵa ambýlatorly jaǵdaida meditsinalyq kómektiń qoljetimdigin qamtamasyz etý maqsatynda jáne dinamikalyq baqylaýdy qajet etetin naýqastardy úi jaǵdaiynda baqylaý maqstaynda qurylǵan-dy.
Jaǵdaidy baǵamdaý úshin uiymdastyrylǵan monitoringtik top ta qyzý jumys isteýde. Qyzylorda oblysynda mundai toptardyń 33-i qalada, 28-i aýdan ortalyqtarynda jáne 100-i eldi mekenderde halyqqa qyzmet kórsetýde.
20 shildeden bastap Qyzylorda oblysynda epidemiologiialyq ahýal jaily aqparat alý úshin CALL ortalyǵy jumys istei bastady. CALL ortalyǵy 14 qyzmetkermen qamtylǵan jáne 24/7 tártibimen, iaǵni táýlik boiy halyqqa qyzmet kórsetedi.
Qyzylorda oblysy boiynsha 8-800-080-22-26, 40-00-01 CALL ortalyǵyna habarlasý arqyly jáne Facebook áleýmettik jelisindegi #Oblystyq Jastar Densaylygy Ortalygy paraqshasyna habarlama qaldyrý arqyly epidahýal jaily aqparat alyp, keris bailanys ornatýǵa bolady. Qońyraý tegin qabyldanady.
