سۇيىكتىمدى جوعالتىم الام با دەگەن قورقىنىشتان با ەكەن؟ الدە تىم قاتتى وزىمسىنگەننەن قىزعانادى ما؟ مۇمكىن قىزعانىشتى قاشىپ قۇتىلا المايتىن قۇبىلىس دەپ قاراستىرىپ، ونى ماحابباتتىڭ ەگىزىندەي قابىلداساق شە؟ نەگە قىزعانىشتىڭ شاماسى تەك قيراتىپ-جويۋعا عانا كەلەدى؟ نەگە قىزعانىش سەزىنگەن ادام رۋحاني كۇيرەيدى؟
قىزعانىشتان قۇتىلۋعا بولا ما؟ قالاي قۇتىلادى؟ ءار ادام ءوز سۇيىكتىسىنىڭ جالعىزى جانە بىرەگەيى بولعىسى كەلەدى. ءبىر قاراعانعا تابيعي سۇرانىس ىسپەتتى. ەگەر سەنى بىرەۋ وزگە ادام ءۇشىن جاقتىرماسا، كۇنىڭ قانداي بولماق؟ قىزعانىش ناقتى سەبەپ تۋعان ساتتە پايدا بولادى. ەكى جاننىڭ ءبىر-بىرىن قىزعانىشپەن قيناۋى ءجيى كەزدەسەتىن جايت. ولار سەبەپسىز قىزعانا بەرەدى. نەگىزى ولار قىزعانىشتى قالاي جەڭۋگە بولاتىندىعىن بىلمەگەندىكتەن ىشىندەگى زاپىراندى بىر-بىرىنە توگۋمەن بولادى. قىزعانىشتىڭ سالدارىنان ءوزارا قارىم-قاتىناس شيرىعا تۇسەدى.
قىزعانىش ادەتتە وزىنە، نە سەرىگىنە سەنبەگەننەن تۋىندايدى. قىزعانشاقتار ءوزىن، نە سەرىگىن وزگەمەن سالىستىرعاندى جاقسى كورەدى. بار قيىندىق وسىدان باستالادى. ءوزىن تومەن ساناعان ادام قىزعانشاق كەلەدى. قىزعانىشتىڭ باستى سەبەبى وسى ويدان باستالادى. قىزعانشاقتاردىڭ بارلىعىنىڭ بەلگىسى – ءوزىن تومەن ساناۋى. وزىنە سەنىمسىز ادام «مەنەن ارتىق بولعانى ءۇشىن ونى ۇناتادى» دەگەن ويمەن ءومىر سۇرەدى.
كەز كەلگەن قىزعانىش – ادامنىڭ جانىن جەگىدەي جەيتىن قۇرت. ول قارىم-قاتىناستى داعدارىسقا ۇشىراتادى. ادامگەرشىلىكتى كۇيرەتەتىن سەزىم. قىزعانىش ماحابباتقا قارسى سەزىم. ماحاببات – سۇيىسپەنشىلىككە، سىيلاستىققا، سەنىمگە نەگىزدەلەدى. ناعىز ماحابباتتا ەشبىر شارت بولمايدى.
ەگەر وتكەن ومىرىنە قىزعانىش بىلدىرسەڭىز، وندا ءسىز بۇنىڭ الدىنداعى ءوزىڭىزدىڭ قارىم-قاتىناسىڭىزدى ءتامامداي الماي كەتكەنىڭىز. الدىڭعى ماحابباتتى تەرەڭ تۇيسىنبەگەنىڭىز. قىزعانىشتىڭ بەكەر ەكەنىن تۇسىنبەگەندىكتەن ول تاعى دا جاڭا قارىم-قاتىناسقا كەدەرگى كەلتىرەدى، وزىنە دە زيانىن تيگىزەدى.
سوندىقتان قىزعانىش ورىن العان قارىم-قاتىناستى تەرەڭىنە دەيىن ۇڭىلە وتىرىپ، سەبەپتەرىن زەرتتەۋ كەرەك. قاتەلىكتى ءتۇسىنۋ ماڭىزدى. بۇيىرماعان ماحابباتتى وتكەن ومىردە قالدىرعان ابزال. بۇگىنگى ءومىردى سول قالپى قابىلداپ ۇيرەنۋ قاجەت. ال، قيالىڭىزداعى بوس قاۋىپ-قاتەردى جەلگە ۇشىرىڭىز. ءاربىر ارەكەتكە، سەزىمگە، ويعا جاۋاپكەرشىلىك الۋ كەرەك. سوندا ادام وزىمەن-وزى بولىپ، ەركىن ءومىر سۇرەدى.
اسىل جاردىڭ بۇلجىتپاي ورىندايتىن 10 قاعيداسى
ەر ادامنىڭ پسيحولوگياسى ۇنەمى وزگەرىستىڭ بولۋىن تالاپ ەتەدى. ەگەر ەر-ازاماتىڭىزدى شىنىمەن باعالاساڭىز، سۇيگەن جاندى قاشىرىپ جىبەرەتىندەي ارەكەتتەردەن اۋلاق بولىڭىز. پسيحولوگتار «بۇرىس ارەكەتتەردىڭ» 10 ءتۇرىن تەرىپ، تىزىمدەپتى، بىلە جۇرگەننىڭ ارتىعى بولماس:
- ەڭ قاتتى اسەر ەتەتىن ارانداتقىش – تەككە ايعايلاۋ مەن اقىل ايتۋ. ەگەر وسىنداي جاعىمسىز اركەتتەرگە بوي الدىرساڭىز، ءسىزدى ەشكىم ەستىمەيتىنىن ەسكەرە جۇرسەڭىز. ال، ءوزىڭىز تەككە اشۋلانشاق بولىپ تاۋسىلاسىز. سۇيىكتىڭىزدىڭ ءار قىلىعىنا ۇنەمى نارازىلىق بىلدىرە بەرۋ، ومىرگە قاناعاتسىزدىق تانىتۋ ەكەۋارا سەزىمدى تەز جويادى.
- سۇيىكتىڭىزدىڭ جانىنان تاۋلىگىنە 24 ساعات تابىلۋ شارت ەمەس. ءسىزدىڭ قاسىڭىزدا بولعاندا ول بالىق اۋلاعىسى، دوسىمەن كەزدەسكىسى، فۋتبولعا بارعىسى جانە وسىلاي جالعاسا بەرەتىن باسقا جاققا كوڭىلى اۋىپ تۇرادى. ءوزىن جاقسى سەزىنەتىن، وزگەمەن بولىسە بەرمەيتىن جان جاراسى، قۋانىشى، قۇپياسى، سىرى، باراتىن جەرى بولۋى قالىپتى. كەي ۋاقىتتا بىر-بىرلەرىڭىزدەن اۋلاقتاعاننىڭ دا پايداسى بار. سوندا ساعىنىسىپ كەزدەسۋدىڭ ءلاززاتىن سەزەسىز.
- سۇيىكتىڭىزدىڭ كيىم-كيىسىن وزگە بىرەۋگە قاراپ وزگەرتۋگە ىقپال ەتۋدىڭ قاجەتى جوق. ونى وسى قالپىندا جاقسى كورىڭىز. الدىمەن ادامنىڭ جاقسى قاسيەتتەرىنە كوڭىل ءبولۋ كەرەك. ال، كەمشىلىكتەرىن سانامالاۋدىڭ قاجەتى جوق.
- ءار تاڭ اتقان سايىن ونىڭ كوزىنە جاڭاشا، بولەك بولىپ كورىنۋگە تىرىسىڭىز. كەشەگىدەي بولماڭىز. باستاپقىدا بۇل مۇمكىن ەمەستەي كورىنەر. ءبىراق ولاي ەمەس. ءبىراز ۋاقىت وتكەندە ۇنەمى وزگەرىپ وتىرۋ وزىڭىزگە دە ۇناي باستايدى. وزىڭىزگە دەگەن سەنىم كۇشەيەدى.
- السىزدىك تانىتۋدىڭ قاجەتى شامالى. ءوزىڭىزدىڭ كۇش-قۋاتىڭىز بەن ەركىندىگىڭىزدى سەزىنىڭىز. قايتا-قايتا قوڭىراۋ شالىپ، مەزى قىلماڭىز. بۇل ەر ادامعا جاقپايتىن قىلىقتىڭ ءبىرى. قوڭىراۋ شالعاندا ماڭىزدى نارسەنى عانا ايتىڭىز. ءوزىڭىزدىڭ دە، ونىڭ دا ۋاقىتىن بولماشىعا جۇمساماڭىز.
- ەشقاشان قىزعانباڭىز. قىزعانىش – تۇيسىك دەڭگەيىندە وزگە ادامنىڭ بولمىسىنا يەلىك ەتۋگە ۇمتىلۋ. زات سياقتى قولدانۋعا تىرىسۋ. ءتورت قابىرعاعا قاماپ قويىپ، ەندى نە ىستەر ەكەن دەپ تاڭ اتقاننان كۇن باتقانشا باقىلاۋ. بۇل جاعداي ەش جاقسىلىق اكەلمەيتىنى انىق. نەگە كەشىگەدى دەپ ۇنەمى كۇدىكتەنۋ، ونىڭ تەلەفونىن اقتارىپ، حابارلامالارىن وقۋ ءوزارا سەنىم مەن سەزىمدى جوققا شىعارادى.
- ايەلدىڭ تاعى ءبىر كەمشىلىگى – وسەككە اۋەستىگى. ەشكىمنىڭ سوزىنە قۇلاق اسپاڭىز. بارلىق ماسەلەنى سۇيىكتىڭىزبەن سويلەسىپ، شەشىڭىز. ەشقاشان ۇرىس-كەرىستى ۇيدەن تىسقا شىعارماڭىز.
- سۇيىكتىڭىز سىزبەن بىرگە دۇكەن مەن بازار ارالاعاننان ءلاززات الادى دەپ قاتەلەسپەڭىز. جۇبىڭىزبەن ەكى رەت بىرگە بازارلاعان سوڭ قارىم-قاتىناسقا سەلكەۋ تۇسەدى. دۇكەندى قۇربىلارمەن ارالاعان ءجون. ولارمەن وتكەن مەزگىل كوڭىلدىرەك. اڭگىمە-دۇكەن قۇرىپ، بىرگە سەرگىپ قايتاسىز.
- سەزىمىمەن، ويىمەن ءبولىسسىن دەپ مازاسىن الماڭىز. ول قاجەت دەپ تاپسا ءوزى-اق ىشىندەگىسىن ايتىپ جەتكىزەتىن ۋاقىت تابادى.
- ەشقاشان كەشىكپەڭىز. جارتى ساعات كۇتۋدەن كەز كەلگەن ەركەكتىڭ جۇيكەسى توزاتىنى انىق.
اۋدارعان ش. ءابىلدا
