Súiiktimdi joǵaltym alam ba degen qorqynyshtan ba eken? Álde tym qatty ózimsingennen qyzǵanady ma? Múmkin qyzǵanyshty qashyp qutyla almaityn qubylys dep qarastyryp, ony mahabbattyń egizindei qabyldasaq she? Nege qyzǵanyshtyń shamasy tek qiratyp-joiýǵa ǵana keledi? Nege qyzǵanysh sezingen adam rýhani kúireidi?
Qyzǵanyshtan qutylýǵa bola ma? Qalai qutylady? Ár adam óz súiiktisiniń jalǵyzy jáne biregeii bolǵysy keledi. Bir qaraǵanǵa tabiǵi suranys ispetti. Eger seni bireý ózge adam úshin jaqtyrmasa, kúniń qandai bolmaq? Qyzǵanysh naqty sebep týǵan sátte paida bolady. Eki jannyń bir-birin qyzǵanyshpen qinaýy jii kezdesetin jait. Olar sebepsiz qyzǵana beredi. Negizi olar qyzǵanyshty qalai jeńýge bolatyndyǵyn bilmegendikten ishindegi zapyrandy bir-birine tógýmen bolady. Qyzǵanyshtyń saldarynan ózara qarym-qatynas shiryǵa túsedi.
Qyzǵanysh ádette ózine, ne serigine senbegennen týyndaidy. Qyzǵanshaqtar ózin, ne serigin ózgemen salystyrǵandy jaqsy kóredi. Bar qiyndyq osydan bastalady. Ózin tómen sanaǵan adam qyzǵanshaq keledi. Qyzǵanyshtyń basty sebebi osy oidan bastalady. Qyzǵanshaqtardyń barlyǵynyń belgisi – ózin tómen sanaýy. Ózine senimsiz adam «menen artyq bolǵany úshin ony unatady» degen oimen ómir súredi.
Kez kelgen qyzǵanysh – adamnyń janyn jegidei jeitin qurt. Ol qarym-qatynasty daǵdarysqa ushyratady. Adamgershilikti kúiretetin sezim. Qyzǵanysh mahabbatqa qarsy sezim. Mahabbat – súiispenshilikke, syilastyqqa, senimge negizdeledi. Naǵyz mahabbatta eshbir shart bolmaidy.
Eger ótken ómirine qyzǵanysh bildirseńiz, onda siz bunyń aldyndaǵy ózińizdiń qarym-qatynasyńyzdy támamdai almai ketkenińiz. Aldyńǵy mahabbatty tereń túisinbegenińiz. Qyzǵanyshtyń beker ekenin túsinbegendikten ol taǵy da jańa qarym-qatynasqa kedergi keltiredi, ózine de ziianyn tigizedi.
Sondyqtan qyzǵanysh oryn alǵan qarym-qatynasty tereńine deiin úńile otyryp, sebepterin zertteý kerek. Qatelikti túsiný mańyzdy. Buiyrmaǵan mahabbatty ótken ómirde qaldyrǵan abzal. Búgingi ómirdi sol qalpy qabyldap úirený qajet. Al, qiialyńyzdaǵy bos qaýip-qaterdi jelge ushyryńyz. Árbir áreketke, sezimge, oiǵa jaýapkershilik alý kerek. Sonda adam ózimen-ózi bolyp, erkin ómir súredi.
Asyl jardyń buljytpai oryndaityn 10 qaǵidasy
Er adamnyń psihologiiasy únemi ózgeristiń bolýyn talap etedi. Eger er-azamatyńyzdy shynymen baǵalasańyz, súigen jandy qashyryp jiberetindei áreketterden aýlaq bolyńyz. Psihologtar «burys áreketterdiń» 10 túrin terip, tizimdepti, bile júrgenniń artyǵy bolmas:
- Eń qatty áser etetin arandatqysh – tekke aiǵailaý men aqyl aitý. Eger osyndai jaǵymsyz árketterge boi aldyrsańyz, sizdi eshkim estimeitinin eskere júrseńiz. Al, ózińiz tekke ashýlanshaq bolyp taýsylasyz. Súiiktińizdiń ár qylyǵyna únemi narazylyq bildire berý, ómirge qanaǵatsyzdyq tanytý ekeýara sezimdi tez joiady.
- Súiiktińizdiń janynan táýligine 24 saǵat tabylý shart emes. Sizdiń qasyńyzda bolǵanda ol balyq aýlaǵysy, dosymen kezdeskisi, fýtbolǵa barǵysy jáne osylai jalǵasa beretin basqa jaqqa kóńili aýyp turady. Ózin jaqsy sezinetin, ózgemen bólise bermeitin jan jarasy, qýanyshy, qupiiasy, syry, baratyn jeri bolýy qalypty. Kei ýaqytta bir-birlerińizden aýlaqtaǵannyń da paidasy bar. Sonda saǵynysyp kezdesýdiń lázzatyn sezesiz.
- Súiiktińizdiń kiim-kiisin ózge bireýge qarap ózgertýge yqpal etýdiń qajeti joq. Ony osy qalpynda jaqsy kórińiz. Aldymen adamnyń jaqsy qasietterine kóńil bólý kerek. Al, kemshilikterin sanamalaýdyń qajeti joq.
- Ár tań atqan saiyn onyń kózine jańasha, bólek bolyp kórinýge tyrysyńyz. Keshegidei bolmańyz. Bastapqyda bul múmkin emestei kóriner. Biraq olai emes. Biraz ýaqyt ótkende únemi ózgerip otyrý ózińizge de unai bastaidy. Ózińizge degen senim kúsheiedi.
- Álsizdik tanytýdyń qajeti shamaly. Ózińizdiń kúsh-qýatyńyz ben erkindigińizdi sezinińiz. Qaita-qaita qońyraý shalyp, mezi qylmańyz. Bul er adamǵa jaqpaityn qylyqtyń biri. Qońyraý shalǵanda mańyzdy nárseni ǵana aityńyz. Ózińizdiń de, onyń da ýaqytyn bolmashyǵa jumsamańyz.
- Eshqashan qyzǵanbańyz. Qyzǵanysh – túisik deńgeiinde ózge adamnyń bolmysyna ielik etýge umtylý. Zat siiaqty qoldanýǵa tyrysý. Tórt qabyrǵaǵa qamap qoiyp, endi ne ister eken dep tań atqannan kún batqansha baqylaý. Bul jaǵdai esh jaqsylyq ákelmeitini anyq. Nege keshigedi dep únemi kúdiktený, onyń telefonyn aqtaryp, habarlamalaryn oqý ózara senim men sezimdi joqqa shyǵarady.
- Áieldiń taǵy bir kemshiligi – ósekke áýestigi. Eshkimniń sózine qulaq aspańyz. Barlyq máseleni súiiktińizben sóilesip, sheshińiz. Eshqashan urys-keristi úiden tysqa shyǵarmańyz.
- Súiiktińiz sizben birge dúken men bazar aralaǵannan lázzat alady dep qatelespeńiz. Jubyńyzben eki ret birge bazarlaǵan soń qarym-qatynasqa selkeý túsedi. Dúkendi qurbylarmen aralaǵan jón. Olarmen ótken mezgil kóńildirek. Áńgime-dúken quryp, birge sergip qaitasyz.
- Sezimimen, oiymen bólissin dep mazasyn almańyz. Ol qajet dep tapsa ózi-aq ishindegisin aityp jetkizetin ýaqyt tabady.
- Eshqashan keshikpeńiz. Jarty saǵat kútýden kez kelgen erkektiń júikesi tozatyny anyq.
Aýdarǵan Sh. Ábildá
