بۇل تۋرالى وبلىستىق ادەت-عۇرىپ جانە ءسالت-داستۇر ورتالىعىنىڭ عىلىمي ادىستەمەلىك ءبولىمىنىڭ مەڭگەرۋشىسى مىرزاباي وماروۆ ءمالىم ەتتى.
ۇلتتىق ويىن – حالىق مۇراسى. وبلىستىق ادەت-عۇرىپ جانە ءسالت-داستۇر ورتالىعىنىڭ ۇيىمداستىرۋىمەن تۇركىستاندا ات سپورتى تۇرلەرى كەڭىنەن ناسيحاتتالۋدا.
بيىلعى جاز ايىندا ات سپورتىن ناسيحاتتاعان اۋقىمدى جارىس ۇيىمداستىرىلعان بولاتىن. وعان سايگۇلىكتەرىن باپتاپ، اتتىڭ قۇلاعىندا وينايتىن، وڭىرىمىزگە بەلگىلى جاس سپورتشىلار كەلگەن. ولار اتشابار الاڭىنا جينالعان قاۋىمعا الدىمەن ۇلتتىق ويىنداردىڭ بىرەگەيى «قىز قۋۋ» وينىن كورسەتكەن ەدى.
ۇلتتىق ويىندار بايقاۋى امەن قاراي مەرگەندىك سىنىنىڭ ءبىر ءتۇرى جامبى اتۋ جارىسىمەن جالعاسىن تاپقان. جۇيرىك اتتىڭ ەكپىنىن باسەڭدەتپەستەن، نىسانانى كوزدەگەن سپورتشىلار سايىستىڭ بۇل تۇرىنەن دە ەپتىلىكتەرىن كورسەتە بىلگەن ەدى.
وبلىستىق ادەت-عۇرىپ جانە ءسالت-داستۇر ورتالىعىنىڭ عىلىمي ادىستەمەلىك ءبولىمىنىڭ مەڭگەرۋشىسى مىرزاباي وماروۆتىڭ ايتۋىنشا، مۇنداي جارىستار الداعى جىلى دا كوپتەپ ۇيىمداستىرىلاتىن بولادى.
«بۇل ويىن تۇرلەرىنىڭ تۇبىندە قازاق حالقىنىڭ باتىرلىعىن، ەپتىلىگىن، وسىنداي ەرەكشە سپورت ويىندارىمىز بولعانىن دارىپتەيدى. سوندىقتان دا تەك مەرەكە قارساڭىندا ەمەس، اسىرەسە جاستار اراسىندا ناسيحاتتاۋ ءبىزدىڭ ورتالىقتىڭ مىندەتى. قازاقتىڭ ۇلتتىق ات سپورت تۇرلەرىنىڭ ادام بالاسىنا تاربيە باعىتىندا دا قوسار ۇلەسى مول».
ونىڭ اتاپ وتكەنىندەي كەلەر جىلى كورەرمەندەردى قيقۋعا باستىراتىن، ۇلتتىق سپورت ءتۇرى ول – تەڭگە ىلۋدەن جارىس وتكىزىلەدى.
