Bul týraly oblystyq ádet-ǵuryp jáne salt-dástúr ortalyǵynyń ǵylymi ádistemelik bóliminiń meńgerýshisi Myrzabai Omarov málim etti.
Ulttyq oiyn – halyq murasy. Oblystyq ádet-ǵuryp jáne salt-dástúr ortalyǵynyń uiymdastyrýymen Túrkistanda at sporty túrleri keńinen nasihattalýda.
Biylǵy jaz aiynda at sportyn nasihattaǵan aýqymdy jarys uiymdastyrylǵan bolatyn. Oǵan sáigúlikterin baptap, attyń qulaǵynda oinaityn, óńirimizge belgili jas sportshylar kelgen. Olar atshabar alańyna jinalǵan qaýymǵa aldymen ulttyq oiyndardyń biregeii «Qyz qýý» oinyn kórsetken edi.
Ulttyq oiyndar baiqaýy ámen qarai mergendik synynyń bir túri jamby atý jarysymen jalǵasyn tapqan. Júirik attyń ekpinin báseńdetpesten, nysanany kózdegen sportshylar saiystyń bul túrinen de eptilikterin kórsete bilgen edi.
Oblystyq ádet-ǵuryp jáne salt-dástúr ortalyǵynyń ǵylymi ádistemelik bóliminiń meńgerýshisi Myrzabai Omarovtyń aitýynsha, mundai jarystar aldaǵy jyly da kóptep uiymdastyrylatyn bolady.
«Bul oiyn túrleriniń túbinde qazaq halqynyń batyrlyǵyn, eptiligin, osyndai erekshe sport oiyndarymyz bolǵanyn dáripteidi. Sondyqtan da tek mereke qarsańynda emes, ásirese jastar arasynda nasihattaý bizdiń ortalyqtyń mindeti. Qazaqtyń ulttyq at sport túrleriniń adam balasyna tárbie baǵytynda da qosar úlesi mol».
Onyń atap ótkenindei keler jyly kórermenderdi qiqýǵa bastyratyn, ulttyq sport túri ol – teńge ilýden jarys ótkiziledi.
