قىتايدىڭ ەكونوميكا سايتى ەڭ كٶپ قالاماقى العان قىتاي جازۋشىلارىنىڭ تٸزٸمدٸگٸن 22 ناۋرىز كٷنٸ جارييالادى. بيىل 10 رەت ساراپتالعان رەيتينگتٸڭ كٶشٸن جازۋشى جيياڭ نان باستاپ تۇر. ول بٸر جىل ٸشٸندە 320 ميلليون يۋان (مٶلشەرمەن 50 ميلليون دوللار) قالاماقىعا يە بولعان.
بۇعان دەيٸن ٶزگەلەرگە تانىمالدىعى مەن كٸتاپتارىنىڭ ساتىلىمى جاعىنان دەس بەرمەگەن حان حان, گو جيميڭ قاتارلى جازۋشىلار الدىڭعى 20-لىقتىڭ سوڭىنا تٷسكەن. جازۋشى گو بيىلعى رەيتينگتە 20-ورىندا تۇر.
بٷكٸل قىتاي جۇرتىن تاڭعالدىرعان بٸر جايت, ۇيعىر ۇلتىنىڭ ٶكٸلٸ, جاس جازۋشى نۇرالي ەبٸلەزدٸڭ توپ-20-دان كەيٸنگٸ ساتىعا جايعاسۋى بولىپ وتىر. ول "بٸر جىلىڭىزداعى 8760 ساعات" دەگەن كٸتابٸ ارقىلى ميلليارد قىتايعا تانىمال بولدى. ونىڭ وسى كٸتابٸ قىتاي تٸلٸنە اۋدارىلىپ, 6 اي ٸشٸندە 500 مىڭ داناسى ساتىلىپ كەتكەن. سول ارقىلى ول 5 ميلليون 900 مىڭ يۋان قالاماقى الىپتى (1 ميلليون دوللارعا جۋىق). جازۋشىنىڭ بۇل كٸتابىنا وقىرماندار جوعارى باعا بەرٸپ, قىزىعۋشىلىق تانىتقان سوڭ بيىل جىل باسىندا جاڭا نۇسقاسىن قايتا شىعارىپ ٷلگەرٸپتٸ.
قىتايدىڭ نوبەل سىيلىعىن العان جازۋشىسى مو يان قازٸر ەلەمدەگٸ ەڭ باي جازۋشىلاردىڭ بٸرٸ. بٸراق قىتايدىڭ ٶز ٸشٸندە ىقپالى ودان دا زور جازۋشىلار كٶبەيگەن. بۇعان مو ياننىڭ نوبەل سىيلىعىن الۋى دا ٶز ەسەرٸن تيگٸزگەن بولۋى مٷمكٸن. ەلەمدٸك ەدەبيەت زەرتتەۋشٸلەرٸ سوڭعى جىلدارى قىتاي وقىرماندارىنىڭ ەدەبيەتكە قىزىعۋشىلىعى كٷرت ارتىپ وتىرعانىن,قىتاي جازۋشىلارىنىڭ دا ارىنى ۇلعايىپ, مٷلدەم جاڭا بيٸككە كٶتەرٸلگەنٸن سٶز ەتە باستادى. تٸپتٸ, ەلەمدٸك ەدەبي دٷمپۋ ازيياعا اۋعانىن جارىسا جازىپ جٷر.
[caption id="attachment_14397" align="alignright" width="177"]
ايتپاقشى, قىتايداعى ۇيعىر ەدەبيەتٸنٸڭ ەلەمدٸك ارەنادا ٶزٸندٸك ورنى بار دەۋگە بولادى. بٷگٸندەرٸ ۇيعىردىڭ اقىن-جازۋشىلارى قىتايدى مويىنداتىپ قانا قويماي, ەلەمنٸڭ تٷكپٸر-تٷكپٸرٸنە سامعاپ كەتكەن. ەۋروپا, اقش, كانادا, جاپونييا, سينگاپۋر, تٷركييا سەكٸلدٸ ەلدەردە ونداعان ۇيعىر قالامگەرلەرٸ ٶزدەرٸنٸڭ كٸتاپتارىن شىعارىپ, تٷرلٸ سىيلىقتارعا يە بولىپ جٷر. ولاردىڭ ٸشٸندە نوبەل سىيلىعىنان ٷمٸتكەرلەرٸ دە جوق ەمەس.
