قحر دەنساۋلىق ساقتاۋ ىستەرى بويىنشا مەملەكەتتىك كوميتەتى سارسەنبى كۇنى 406 جاڭا كورناۆيرۋس جۇقتىرعان ادامدى انىقتادى، ال سەيسەنبى كۇنى 52 ادام وسى ينفەكسيادان قايتىس بولدى.
ءولىمنىڭ بارلىعى حۋبەي پروۆينسياسىندا (ورتالىق جۇڭگو) تىركەلدى، دەپ حابارلادى مەكەمەدەگىلەر.
سەيسەنبى كۇنى تاعى 439 ادام ىندەت جۇقتىرۋى مۇمكىن دەگەن كۇدىكپەن تىركەلگەن.
سول كۇنى 2422 ناۋقاس ساۋىعىپ، اۋرۋحانادان شىعارىلدى، دەرتتىڭ اۋىر ءتۇرىنىڭ سانى ازايىپ جاتىر. سەيسەنبىنىڭ سوڭىنداعى دەرەك بويىنشا، قىتايدا (سيانگان، اومەن جانە تايۆاندى ەسەپكە الماعاندا) كوروناۆيرۋس جۇقتىرعان 78 064 ادام تىركەلىپ، 2 715ء-سى وسى اۋرۋدان ءولدى.
تاعى 2491 ادامدا كوروناۆيرۋس ينفەكسياسىن جۇقتىردى دەگەن كۇدىك بار، دەپ تولىقتىردى كوميتەتتەگىلەر.
ەلدە 29 745 ادام دەرتىنەن ايىعىپ، اۋرۋحانادان شىعارىلدى. ناۋقاستارمەن تىعىز بايلانىستا بولعان 79 108 ادام مەديسينا قىزمەتكەرلەرىنىڭ باقىلاۋىندا.
