Qytaıda bir táýlikte 406 jańa kornavırýs juqtyrý oqıǵasy tirkelip, osy ınfeksıadan 52 naýqas qaıtys boldy, – dep habarlaıdy QazAqparat Sınhýa agenttigine silteme jasap.

QHR Densaýlyq saqtaý isteri boıynsha memlekettik komıteti sársenbi kúni 406 jańa kornavırýs juqtyrǵan adamdy anyqtady, al seısenbi kúni 52 adam osy ınfeksıadan qaıtys boldy.

Ólimniń barlyǵy Hýbeı provınsıasynda (Ortalyq Qytaı) tirkeldi, dep habarlady mekemedegiler.

Seısenbi kúni taǵy 439 adam indet juqtyrýy múmkin degen kúdikpen tirkelgen.

Sol kúni 2422 naýqas saýyǵyp, aýrýhanadan shyǵaryldy, derttiń aýyr túriniń sany azaıyp jatyr. Seısenbiniń sońyndaǵy derek boıynsha, Qytaıda (Sángan, Aomen jáne Taıvandy esepke almaǵanda) koronavırýs juqtyrǵan 78 064 adam tirkelip, 2 715-si osy aýrýdan óldi.

Taǵy 2491 adamda koronavırýs ınfeksıasyn juqtyrdy degen kúdik bar, dep tolyqtyrdy komıtettegiler.

Elde 29 745 adam dertinen aıyǵyp, aýrýhanadan shyǵaryldy. Naýqastarmen tyǵyz baılanysta bolǵan 79 108 adam medısına qyzmetkerleriniń baqylaýynda.