اتىراۋ وبلىسىندا بارلاۋ جۇمىستارىن جۇرگىزۋ تۋرالى كەلىسىمگە "قازمۇنايگاز" ۇك اق (قما) پەن China National Offshore Oil Corporation International Limited (CNOOC) قول قويدى، دەپ حابارلايدى Dalanews.kz.
كەلىسسوز بارىسىندا "جىلىوي" جەر قويناۋىن پايدالانۋ جوباسى بويىنشا نەگىزگى ىنتىماقتاستىق شارتتارىن ايقىندايتىن قۇجاتقا قول قويىلدى. اتاپ ايتقاندا، قوس كومپانيا جەر قويناۋى ۋچاسكەسىندە كەلەسى جۇمىستاردى ورىنداۋعا كەلىستى:
- 2D (400 بويلىق كم وڭدەۋ جانە تالداۋ) جانە 3D (دالا جۇمىستارى، 400 شارشى كم وڭدەۋ جانە تالداۋ) سەيسميكالىق بارلاۋ؛
- 2000 م تەرەڭدىكتە ءبىر ءتۇزۇستى بارلاۋ ۇڭعىماسىن بۇرعىلاۋ (تاۋەلسىز كەزەڭ)؛
- 3D سەيسميكالىق بارلاۋ دەرەكتەرىنىڭ ناتيجەلەرىنە قاراي تەرەڭدىگى 4500 م ءبىر تۇزاستى بارلاۋ ۇڭعىماسىن (تاۋەلدى كەزەڭ) بۇرعىلاۋ.
قمگ-نىڭ الدىن الا باعالاۋى بويىنشا جەر قويناۋى ۋچاسكەسىنىڭ گەولوگيالىق رەسۋرستىق الەۋەتى 185 ميلليون توننادان استام مۇنايدى قۇراۋى مۇمكىن.
نەگىزگى ىنتىماقتاستىق شارتتارىنا قول قويۋ ءراسىمى CNOOC كومپانياسىنىڭ اتالعان جوبانى بىرلەسىپ ىسكە اسىرۋعا دەگەن قىزىعۋشىلىعىن راستاي تۇسەدى. بۇل قادام كومپانيالار ءۇشىن كومىرسۋتەكتەردى ىزدەۋ باعىتىندا جاڭا مۇمكىندىكتەرگە جول اشپاق.
قمگ باسشىسى جوبانىڭ قازاقستان ءۇشىن ماڭىزىنا توقتالدى:
"الەمدەگى جەتەكشى ەنەرگەتيكالىق كومپانيالاردىڭ بىرىمەن ورناتقان بۇل سەرىكتەستىك قازاقستاننىڭ مۇناي-گاز سەكتورىنىڭ دامۋىنا جاڭا سەرپىن بەرەتىنىنە سەنىمدىمىز. سونىمەن قاتار ەلىمىزگە تارتىلاتىن شەتەلدىك ينۆەستيسيالاردىڭ كولەمى ارتادى. ويتكەنى بارلاۋ كەزەڭى CNOOC ەسەبىنەن قارجىلاندىرىلادى"، دەپ اتاپ ءوتتى "قازمۇنايگاز" ۇك" اق باسقارما ءتوراعاسى اسحات حاسەنوۆ.
ايتا كەتسەك، China National Offshore Oil Corporation (CNOOC) — بارلاۋ مەن وندىرۋمەن اينالىساتىن مۇناي-گاز سالاسىنداعى الەمدىك كوشباسشى كومپانيالاردىڭ ءبىرى. ول حالىقارالىق سەرىكتەستەرمەن بەلسەندى ىنتىماقتاستىق ورناتىپ، 20-دان استام ەلدە ءىرى جوبالاردى ىسكە اسىرۋعا اتسالىسادى.
