قىرقىنشى جىلدارداعى بەسٸك جىرىنان
كەبەنەك كيگەن كەلەدٸ»,
مايدانعا كٶكەڭ كەتكەندە,
وسىلاي بەرٸ دەپ ەدٸ.
بٶپەم, بٶپەم, بٶپەم-اۋ,
قاي جەردە قالدى كٶكەڭ-اۋ?!
كەي-كەيدە بٸزدٸڭ حالىق تا,
ٶتٸرٸك ايتادى ەكەن-اۋ!
«ورالار تۋعان جەرٸنە,
توپىراق caپ بەر»,- دەدٸ دە,
دۇعاسىن وقىپ, كٷبٸرلەپ,
ەجەڭ دە قالعان جٶنٸنە.
«ورالسىن امان جەرٸنە,
كٶرٸسسٸن تۋعان ەلٸمەن»,-
دەدٸم دە, كٶزدەي قالتاعا
توپىراق تٷيٸپ بەرٸپ ەم.
بٶپەم, بٶپەم, بٶپەم-اۋ,
قاي جەردە جاتىر كٶكەڭ-اۋ?!
كٶبٸسٸ بٸزدٸڭ ىرىمنىڭ
تٷككە العىسىز ەكەن-اۋ!
«ٷلكەن ٷيدەن دەم تاتسا,
كەشٸكپەي قايتا ورالار.
ەل-جۇرتى قارعاپ, انت اتسا,
كستكەننەن كەلمەس, جوعالار
دەگەسٸن, ٷلكەن شاڭىراق,
دەم بەرٸپ ەدٸ جامىراپ.
الاقان جايىپ ارتىنان,
اق تٸلەۋ ايتقان اڭىراپ.
اۋجالىن تٷيٸپ زاماننىڭ,
ورتاعا سالىپ بار مالىن,
الا جٸبٸن ادامنىڭ
اتتاماپ ەدٸ ارداعىم.
نەلٸكتەن تەڭٸرٸم ونى الدى,
ورانۋشى ەدٸ العىسقا.
دەۋقارا امان ورالدى,
وراندى قايتا قارعىسقا.
بٶپەم دە بٶپەم, بٶپەم-اۋ,
He جازدى سەنٸڭ كٶكەڭ-اۋ?!
حالىقتىڭ كەيدە العىسى,
قارعىستان بەتەر ەكەن-اۋ!
ەلدي, ەلدي, بٶپەم-اۋ,
بەرٸ دە بەكەر ەكەن-اۋ!
«سابىر دا تٷبٸ - سارى التىن»
سارعايىپ قاشان جەتەم-اۋ?!
مۇقاعالي ماقاتاەۆ
