Qyrqynshy jyldardaǵy besik jyrynan
Kebenek kigen keledi»,
Maidanǵa kókeń ketkende,
Osylai bári dep edi.
Bópem, bópem, bópem-aý,
Qai jerde qaldy kókeń-aý?!
Kei-keide bizdiń halyq ta,
Ótirik aitady eken-aý!
«Oralar týǵan jerine,
Topyraq cap ber»,- dedi de,
Duǵasyn oqyp, kúbirlep,
Ájeń de qalǵan jónine.
«Oralsyn aman jerine,
Kórissin týǵan elimen»,-
Dedim de, kózdei qaltaǵa
Topyraq túiip berip em.
Bópem, bópem, bópem-aý,
Qai jerde jatyr kókeń-aý?!
Kóbisi bizdiń yrymnyń
Túkke alǵysyz eken-aý!
«Úlken úiden dám tatsa,
Keshikpei qaita oralar.
El-jurty qarǵap, ant atsa,
Kstkennen kelmes, joǵalar
Degesin, úlken shańyraq,
Dám berip edi jamyrap.
Alaqan jaiyp artynan,
Aq tileý aitqan ańyrap.
Aýjalyn túiip zamannyń,
Ortaǵa salyp bar malyn,
Ala jibin adamnyń
Attamap edi ardaǵym.
Nelikten táńirim ony aldy,
Oranýshy edi alǵysqa.
Dáýqara aman oraldy,
Orandy qaita qarǵysqa.
Bópem de bópem, bópem-aý,
He jazdy seniń kókeń-aý?!
Halyqtyń keide alǵysy,
Qarǵystan beter eken-aý!
Áldi, áldi, bópem-aý,
Bári de beker eken-aý!
«Sabyr da túbi - sary altyn»
Sarǵaiyp qashan jetem-aý?!
Muqaǵali Maqataev
