قازاقستان كٶكپار فەدەراتسيياسىنىڭ ٶكٸلٸ سەكەن سەيٸتحان تٷركٸستاندا ٶتٸپ جاتقان كٶكپاردان ەلەم چەمپيوناتىنا قىرعىزستان قۇراماسىنىڭ نەلٸكتەن قاتىسپاعانىن تٷسٸندٸردٸ, دەپ حابارلايدى Dalanews.kz.
ونىڭ ايتۋىنشا, سپورتتىق جارىستاردىڭ ەرەجەسٸنە سەيكەس, قاتىسۋشى كوماندالار تۋرالى رەسمي اقپارات مانداتتىق كوميسسييا جۇمىسى تولىق اياقتالعاننان كەيٸن عانا جارييالانادى. وسىعان بايلانىستى فەدەراتسييا تاراپىنان الدىن الا مەلٸمەت بەرٸلمەگەن.
“ماندات كوميسسيياسى جۇمىسىنىڭ قورىتىندىسىنا سەيكەس, قاتىسۋشى كوماندالار تۋرالى اقپارات فەدەراتسييانىڭ رەسمي ەلەۋمەتتٸك پاراقشاسىنا جارييالاندى”, - دەدٸ ول.
سونداي-اق ول قىرعىزستان تاراپىنىڭ ۋەجٸنە دە تٷسٸنٸكتەمە بەردٸ.
“2025 جىلى مامىر ايىندا رەسپۋبليكالىق فەدەراتسييا قۇرامى تولىقتاي ٶزگەردٸ. 2025 جىل - كٶكپاردىڭ ٸشكٸ مەسەلەلەرٸنە ساراپتاۋ مەن سارالاۋ جۇمىستارىنىڭ جٷرۋٸنە بايلانىستى حالىقارالىق جارىستار ٶتپەدٸ.
2026 جىلدىڭ قاڭتار ايىنىڭ سوڭىندا ۇلتتىق جەنە ات سپورتى ورتالىعىنىڭ ەلەم چەمپيوناتىن ٶتكٸزۋ تۋرالى ۇسىنىسىن قابىل الىپ, جارىستى ٶتكٸزۋ تۋرالى شەشٸم قابىلداندى. حالىقارالىق كٶكپار قاۋىمداستىعىنا مٷشە بولىپ تابىلاتىن بارلىق ەلدەرگە بٸر ۋاقىتتا شاقىرۋ جولداندى. شاقىرۋدى قابىل العان ەلدەر ەلەم چەمپيوناتىنا قاتىسۋعا كەلدٸ”, - دەپ تولىقتىردى ول.
فەدەراتسييا ٶكٸلٸ قىرعىزستان قۇراماسىنىڭ قاتىسپاۋى چەمپيونات دەڭگەيٸنە ەسەر ەتپەيتٸنٸن دە اتاپ ٶتتٸ.
“سەبەبٸ قاتىسۋشى كوماندالاردىڭ دەڭگەيٸ ٶسٸپ كەلەدٸ”, - دەپ تٷيٸندەدٸ سەيٸتحان.
ايتا كەتەيٸك, 17 ناۋرىز كٷنٸ تٷركٸستاندا جاڭادان سالىنعان اتشاباردا كٶكپاردان ەلەم چەمپيوناتى جالاۋىن كٶتەردٸ. دٷبٸرلٸ دوداعا ەلەمنٸڭ 9 ەلٸنەن كوماندالار قاتىسىپ جاتىر. اتاپ ايتقاندا, اۋعانستان, قىتاي, ماجارستان, موڭعولييا, رەسەي فەدەراتسيياسى, تەجٸكستان, ٶزبەكستان, تٷركييا جەنە قازاقستان قۇرامالارى جٷلدە جولىندا باق سىنايدى.
ەسكە سالايىق, بۇعان دەيٸن سپورت جۋرناليسٸ اقىرىس سەيٸتقازى كٶكپار فەدەراتسيياسىنىڭ اقپاراتتىق جۇمىسىن سىنعا العان ەدٸ. ونىڭ ايتۋىنشا, تٷركٸستاندا ٶتەتٸن ەلەم چەمپيوناتىنا قىرعىزستان قۇراماسىنىڭ قاتىسپايتىنى تۋرالى فەدەراتسييا رەسمي تٷردە الدىن الا حابارلاماعان. جۋرناليست ناقتى اقپارات الۋ ٷشٸن فەدەراتسييا ٶكٸلدەرٸنە جٷگٸنگەنٸمەن, تولىققاندى جاۋاپ الا الماعانىن جەتكٸزدٸ. سونداي-اق ول چەمپيوناتتىڭ ۇيىمداستىرىلۋى مەن باق-پەن بايلانىس دەڭگەيٸنە قاتىستى سىن ايتتى.
