اتالعان قىلمىستىق توپقا كوميتەت ءتوراعاسىنىڭ سەنىمدى وكىلدەرى – ورىنباسارى ن.قۇربانوۆ، «قازجەرقويناۋى» جانە «وڭتۇستىكقازجەرقويناۋى» باسشىلارى ا.نۇرجاۋباي مەن ە.ءادىلحانوۆ، ««قازگەوينفورم» باسشىسى ا.وتەگەنوۆ، ماڭعىستاۋ وبلىستىق گەولوگيا يسپەكسياسىنىڭ باسشىسى ب.مۋتان، سونداي-اق كوميتەتتىڭ قۇرىلىمدىق بولىمشەلەرىنىڭ باسشىلارى تارتىلعان.

ب.نۇرابايەۆتىڭ سەنىمدى وكىلى م.ابدىراشيەۆ قىلمىستىق توپ مۇشەلەرىنىڭ قولتىعىنا سۋ بۇركىپ وتىرعان. كوميتەت ءتوراعاسى سىنىپتاسى ابدىراشيەۆپەن دوستىق بايلانىستا ەكەن.

بۇگىن ب.نۇرابايەۆ جەر قويناۋىن مەملەكەتتىك زەرتتەۋگە كەلىسىمشارت بەكىتۋگە كومەك كورسەتكەنى ءۇشىن «اقمولا گولد» ج ش س وكىلىنەن 20 مىڭ اقش دوللارى مولشەرىندە پارا الىپ جاتقان جەرىنەن ۇستالدى.

بۇعان قوسا، ب.نۇرابايەۆ پەن م.ابدىراشيەۆ پارا تۇرىندە «AUDI Q7» ماركالى اۆتوكولىك پەن شىمكەنتتەگى قۇنى 25 مىڭ اقش دوللارىن قۇرايتىن 3 بولمەلى پاتەر العان.

ب.نۇرابايەۆ العان پارانىڭ جالپى سوماسى 100 مىڭ اقش دوللارىنان استى.

سونداي-اق، ب.نۇرابايەۆ پەن ن.قۇربانوۆ قىزمەتتىك وكىلەتتىگى مەن قۇپيا اقپاراتتى پايدالانىپ، پەرسپەكتيۆتى كەن ورىندارىن ەنشىلەس كاسىپورىندارعا زاڭسىز تىركەپ وتىرعان. بارلىعى 30-دان استام كەن ورنى تىركەلىپتى.

ب.نۇرابايەۆ، ن.قۇربانوۆ جانە قىلمىستىق توپتىڭ تاعى ون التى مۇشەسى ۇستالىپ، استانا ءىىد ۋاقىتشا ۇستاۋ اباقتىسىنا قامالدى.

سوتقا دەيىنگى تەرگەۋ جالعاسىپ جاتىر.


 

دەرەككوز: baq.kz