قبتۋ-دىڭ ەكٸ ينستيتۋتى مەملەكەتكە ٶتتٸ

قبتۋ-دىڭ ەكٸ ينستيتۋتى مەملەكەتكە ٶتتٸ, دەپ حابارلايدى Dalanews.kz. 

بۇل تۋرالى قارجى مينيسترلٸگٸنٸڭ قارجىلىق ەسەپتٸلٸك دەپوزيتارييٸندە جارييالانعان اقپاراتتان بەلگٸلٸ بولدى.

بۇرىن قازاقستان-بريتان تەحنولوگييالىق ۋنيۆەرسيتەتٸنٸڭ قۇرامىندا بولعان ەكٸ ينستيتۋتتىڭ جاڭا يەسٸ «قايتارىلعان اكتيۆتەردٸ باسقارۋ كومپانيياسى» جشس بولدى.

ەسكە سالايىق, بۇعان دەيٸن قبتۋ عيماراتىن ارزانعا ساتىپ العان دينارا قۇلىباەۆا ۋنيۆەرسيتەتتٸ مەملەكەتكە قايتارۋعا دايىن ەكەنٸن جازعان ەدٸك. 

Orda.kz مەلٸمەتٸنشە, 2023 جىلى كٷزدە الماتىدا قازاقستان-بريتان تەحنيكالىق ۋنيۆەرسيتەتٸنٸڭ ٸسٸنە قاتىستى سوت باستالعان بولاتىن. ٸستٸ الماتىنىڭ پروكۋراتۋراسى قوزعاعان بولاتىن. دينارا قۇلىباەۆا باسقاراتىن قور ەشقانداي زاڭسىز ەرەكەت بولماعانىن ايتادى. قاڭتاردا سوت مەدياتسييانى جٷرگٸزۋ ٷشٸن پروتسەستٸ توقتاتقان بولاتىن.

ۋنيۆەرسيتەت «نۇرسۇلتان نازارباەۆ بٸلٸم بەرۋ قورىنا» تيەسٸلٸ. ال قورعا دينارا قۇلىباەۆا باسشىلىق ەتەدٸ. 2000 جىلى نۇرسۇلتان نازارباەۆتىڭ باستاماسىمەن پايدا بولعان قازاقستان-بريتان تەحنيكالىق ۋنيۆەرسيتەتٸ 2003 جىلى «قازمۇنايگازدىڭ» اكتيۆتەرٸنٸڭ بٸرٸ بولعان ەدٸ. ۇلتتىق كومپانييا 15 جىل بويى ۋنيۆەرسيتەتكە يەلٸك ەتكەن.

ال 2018 جىلى 11,37 ميللارد تەڭگەگە «نۇرسۇلتان نازارباەۆ بٸلٸم بەرۋ قورىنا» ساتىلىپ كەتكەن. پروكۋراتۋرانىڭ نۇسقاسى بويىنشا, قور 2018 جىلى «قازمۇنايگازدان» ۋنيۆەرسيتەتتٸ زاڭسىز ساتىپ العان.

پروكۋراتۋرا ەڭ الدىمەن ۋنيۆەرسيتەت ۇلتتىق كومپانييادان قۇلىباەۆانىڭ قولىنا ارزان باعامەن ٶتٸپ كەتكەن دەپ سانايدى. باعانى Baker Tilli Kazakhstan Advisory ينۆەستيتسييالىق بروكەرلٸك كومپانيياسى قويعان.

الماتى پروكۋراتۋراسى كەلٸسپەيتٸن ەكٸنشٸ نەرسە – التى جىل بۇرىن جاسالعان مەمٸلەگە قاتىستى. مەمٸلا بارىسىندا پروتسەستە «نۇرسۇلتان نازارباەۆ بٸلٸم بەرۋ قورى» جەڭٸسكە جەتكەن. پروكۋرورلار مەمٸلە فورمالدى تٷردە ٶتكٸزٸلە سالعانىن, پروتسەسكە قورمەن بٸرگە قاتىسقان قالعان ەكٸ كومپانييا «يۋگ» باسقارۋ كومپانيياسى» مەن AGDS Group – بٸركٷندٸك كومپانييالار بولعان.