QBTÝ-dyń eki institýty memleketke ótti, dep habarlaidy Dalanews.kz.
Bul týraly Qarjy ministrliginiń qarjylyq eseptilik depozitariiinde jariialanǵan aqparattan belgili boldy.
Buryn Qazaqstan-Britan tehnologiialyq ýniversitetiniń quramynda bolǵan eki institýttyń jańa iesi «Qaitarylǵan aktivterdi basqarý kompaniiasy» JShS boldy.
Eske salaiyq, buǵan deiin QBTÝ ǵimaratyn arzanǵa satyp alǵan Dinara Qulybaeva ýniversitetti memleketke qaitarýǵa daiyn ekenin jazǵan edik.
Orda.kz málimetinshe, 2023 jyly kúzde Almatyda Qazaqstan-Britan tehnikalyq ýniversitetiniń isine qatysty sot bastalǵan bolatyn. Isti Almatynyń prokýratýrasy qozǵaǵan bolatyn. Dinara Qulybaeva basqaratyn qor eshqandai zańsyz áreket bolmaǵanyn aitady. Qańtarda sot mediatsiiany júrgizý úshin protsesti toqtatqan bolatyn.
Ýniversitet «Nursultan Nazarbaev bilim berý qoryna» tiesili. Al qorǵa Dinara Qulybaeva basshylyq etedi. 2000 jyly Nursultan Nazarbaevtyń bastamasymen paida bolǵan Qazaqstan-Britan tehnikalyq ýniversiteti 2003 jyly «Qazmunaigazdyń» aktivteriniń biri bolǵan edi. Ulttyq kompaniia 15 jyl boiy ýniversitetke ielik etken.
Al 2018 jyly 11,37 millard teńgege «Nursultan Nazarbaev bilim berý qoryna» satylyp ketken. Prokýratýranyń nusqasy boiynsha, qor 2018 jyly «Qazmunaigazdan» ýniversitetti zańsyz satyp alǵan.
Prokýratýra eń aldymen ýniversitet ulttyq kompaniiadan Qulybaevanyń qolyna arzan baǵamen ótip ketken dep sanaidy. Baǵany Baker Tilli Kazakhstan Advisory investitsiialyq brokerlik kompaniiasy qoiǵan.
Almaty prokýratýrasy kelispeitin ekinshi nárse – alty jyl buryn jasalǵan mámilege qatysty. Mámila barysynda protseste «Nursultan Nazarbaev bilim berý qory» jeńiske jetken. Prokýrorlar mámile formaldy túrde ótkizile salǵanyn, protseske qormen birge qatysqan qalǵan eki kompaniia «Iýg» basqarý kompaniiasy» men AGDS Group – birkúndik kompaniialar bolǵan.
