ەل-فارابي اتىنداعى قازاق ۇلتتىق ۋنيۆەرسيتەتٸنٸڭ قۇرىلعانىنا 90 جىل تولۋىنا وراي, «تۇراقتى دامۋ جەنە تابيعاتتى ۇتىمدى پايدالانۋ» عىلىمي ورتالىعى اشىلدى. جاڭا عىلىمي ورتالىق قۇرامىنا تۇراقتى دامۋ ماقساتتارىن ٸسكە اسىراتىن 10 يننوۆاتسييالىق زەرتحانا كٸرەدٸ.
جوبا قر عىلىم جەنە جوعارى بٸلٸم مينيسترلٸگٸنٸڭ «جاسىل دامۋ كونتەكسٸندە باتىس قازاقستان ٶڭٸرٸنٸڭ تابيعي-شارۋاشىلىق جەنە ەلەۋمەتتٸك-ەكونوميكالىق جٷيەلەرٸن تۇراقتى دامىتۋ: كەشەندٸ تالداۋ, تۇجىرىمداما, بولجامدىق باعالاۋ جەنە ستسەنارييلەر» نىسانالى قارجىلاندىرۋ باعدارلاماسى شەڭبەرٸندە ٸسكە اسىرىلۋدا.
عىلىمي ورتالىق كليمات جەنە مودەلدەۋ, تسيفرلىق كارتوگرافييا جەنە قولدانبالى گەودەزييا, GlobalSky (اتموسفەرالىق زەرتتەۋلەردٸڭ يننوۆاتسييالىق زەرتحاناسى), تۇراقتى تۋريزم, سۋ رەسۋرستارىنىڭ ساپاسىن تالداۋ باعىتىندا جۇمىس ٸستەيدٸ. سونىمەن قاتار لاندشافتتاردىڭ دەگراداتسيياسىن گەواقپاراتتىق تالداۋ, گەودەموگرافييالىق جەنە ەلەۋمەتتٸك-ەكونوميكالىق زەرتتەۋلەر, ەكولوگييالىق قاۋٸپسٸزدٸك, توپىراق ەكولوگيياسى, قورشاعان ورتانى باقىلاۋ شارالارىن ٸسكە اسىرادى.
ورتالىقتىڭ نەگٸزگٸ ماقساتى – قورشاعان ورتانىڭ جاھاندىق ٶزگەرۋٸ جاعدايىندا تابيعات پەن قوعامنىڭ ٶزارا ٸس-قيمىل زاڭدىلىقتارىن انىقتاۋ, قازاقستان ٶڭٸرلەرٸن تۇراقتى دامىتۋ ماقساتىندا تابيعي رەسۋرستاردى ۇتىمدى پايدالانۋ بويىنشا جاسىل تەحنولوگييالاردى ەزٸرلەۋ جەنە ەنگٸزۋ.
نەگٸزگٸ زەرتتەۋلەردٸڭ ٸشٸندە: گەوجٷيەلەردٸڭ, توپىراقتىڭ, رەلەفتٸڭ جەنە لاندشافتتاردىڭ تابيعي جەنە انتروپوگەندٸك ديناميكاسى, تابيعاتتى قورعاۋدىڭ عىلىمي نەگٸزدەرٸن ەزٸرلەۋ, تۇراقتى دامۋدىڭ ايماقتىق ەرەكشەلٸكتەرٸ, گەواقپاراتتىق تەحنولوگييالار جەنە كارتاعا تٷسٸرۋ سيياقتى باعىتتار بار.
ورتالىقتىڭ اشىلۋ سالتاناتىنا قر عىلىم جەنە جوعارى بٸلٸم مينيسترٸ ساياسات نۇربەك, رف عىلىم جەنە جوعارى بٸلٸم ۆيتسە-مينيسترٸ كونستانتين موگيلەۆسكيي, ەل-فارابي اتىنداعى قازۇۋ-دىڭ باسقارما تٶراعاسى – رەكتورى جانسەيٸت تٷيمەباەۆ قاتىسىپ, جاڭا ورتالىقتىڭ ۋنيۆەرسيتەتتٸك عىلىمدى دامىتۋعا قوساتىن قوماقتى ٷلەسٸن اتاپ ٶتتٸ.
سونداي-اق بۇۇ جاھاندىق كوممۋنيكاتسييالار دەپارتامەنتٸنٸڭ ٶكٸلٸ ۆلاستيميل سامەك, بۇۇدب-نىڭ قازاقستانداعى تۇراقتى ٶكٸلٸ ياكۋپ بەريش, كونسورتسيۋمنىڭ مەگاگرانت بويىنشا سەرٸكتەستەرٸ, عىلىم دوكتورلارى, پروفەسسورلار مەن وقىتۋشىلار جەنە جاس عالىمدار قاتىستى.
جاڭا ورتالىقتى گەوگرافييا جەنە تابيعاتتى پايدالانۋ فاكۋلتەتٸنٸڭ دەكانى ەلييا اقتىمباەۆا ارنايى تانىستىردى.
ايتا كەتەيٸك, 2023 جىلى قازۇۋ-دىڭ گەوگراف-عالىمدارى قر عىلىم جەنە جوعارى بٸلٸم مينيسترلٸگٸنٸڭ عىلىم كوميتەتٸنەن 3,8 ملرد تەڭگە كٶلەمٸندە مەگاگرانت ۇتىپ الدى. ٸسكە اسىرىلىپ جاتقان بٸرلەسكەن باعدارلاما باتىس قازاقستان ٶڭٸرٸندەگٸ ەكولوگييالىق مەسەلەلەر بويىنشا ستراتەگييالىق مٸندەتتەردٸ شەشۋگە باعىتتالعان. جوبا ٷش جىل ٸشٸندە ٸسكە اسىرىلاتىن بولادى.
ەل-فارابي اتىنداعى قازۇۋ-دىڭ باسپاسٶز قىزمەتٸ
