قازاقستاندا باستاۋىش سىنىپ وقۋشىلارىنا بٶلٸم بويىنشا جيىنتىق باعالاۋ (بجب) مەن توقساندىق جيىنتىق باعالاۋدى (تجب) الىپ تاستاۋ مەسەلەسٸ قارالىپ جاتىر. بۇل تۋرالى وقۋ-اعارتۋ مينيسترٸ جۇلدىز سٷلەيمەنوۆا پارلامەنت پالاتالارىنىڭ بٸرلەسكەن وتىرىسىنان كەيٸن ايتتى, دەپ حابارلايدى dalanews.kz.
مينيستردٸڭ سٶزٸنشە, بۇل - اتا-انالار جيٸ كٶتەرەتٸن مەسەلەلەردٸڭ بٸرٸ. ٶيتكەنٸ جيىنتىق باعالاۋ تاپسىرمالارىن ورىنداۋعا اتا-انالاردىڭ ارالاسۋى جيٸلەپ كەتكەن.
جۇلدىز سٷلەيمەنوۆا بجب مەن تجب باستاپقىدا وقۋشىلاردىڭ بٸلٸم دەڭگەيٸن باعالاۋ ٷشٸن ەنگٸزٸلگەنٸن, الايدا قازٸرگٸ جٷيە كٷتكەن نەتيجەنٸ تولىق بەرە الماي وتىرعانىن ايتتى. سونىمەن قاتار, شەنەۋنٸك جيىنتىق باعالاۋ نەتيجەلەرٸ ساتىلۋىنا قاتىستى دەرەك تەكسەرٸلٸپ جاتقانىن جەتكٸزدٸ. ونىڭ پٸكٸرٸنشە, مۇنداي ەرەكەتتەرگە قۇقىقتىق باعا بەرٸلۋٸ قاجەت.
مينيستر دامىعان ەلدەردٸڭ كٶپشٸلٸگٸندە كريتەريالدى باعالاۋ جٷيەسٸ قولدانىلعانىمەن, باستاۋىش سىنىپتاردا بجب مەن تجب ٶتكٸزٸلمەيتٸنٸن اتاپ ٶتتٸ. وسىعان بايلانىستى مينيسترلٸك بۇل باعالاۋ تٷرلەرٸن باستاۋىش سىنىپتاردان الىپ تاستاۋ مەسەلەسٸن تالقىلاپ جاتىر.
سونداي-اق, ول مەجٸلٸس دەپۋتاتى يرينا سميرنوۆانىڭ بجب مەن تجب جٷيەسٸن ەنگٸزۋگە جاۋاپتى تۇلعالاردى جاۋاپكەرشٸلٸككە تارتۋ تۋرالى ۇسىنىسىنا پٸكٸر بٸلدٸردٸ. مينيستردٸڭ ايتۋىنشا, بۇل مەسەلەنٸ جەنە جٷيەگە بٶلٸنگەن قارجىنىڭ جۇمسالۋىن جوعارى اۋديتورلىق پالاتا مەن ٶزگە دە ۋەكٸلەتتٸ ورگاندار قارايدى.
وقۋ-اعارتۋ مينيسترلٸگٸنٸڭ باعالاۋىنشا, 2016 جىلدان بەرٸ قولدانىستاعى بٸلٸم بەرۋ ستاندارتتارى مەن كريتەريالدى باعالاۋ جٷيەسٸ كٷتكەن نەتيجەگە قول جەتكٸزە الماعان. سوندىقتان اتا-انالار مەن مۇعالٸمدەر تاراپىنان جٷيەگە قاتىستى سىن-ەسكەرتپەلەر جيٸ ايتىلىپ كەلەدٸ.
بجب مەن تجب تاعدىرىنا قاتىستى سوڭعى شەشٸم بيىل تامىزدا جارييالانادى.
