"جاس عالىم" مەرتەبەسٸنٸڭ جاس شەكتەۋٸ رەسمي تٷردە ۇزارتىلدى. ەندٸ ول 44 جاسقا دەيٸن بولادى. بۇل تۋرالى دەپۋتات اسحات ايماعامبەتوۆ مەلٸمدەدٸ, دەپ حابارلايدى dalanews.kz.
دەپۋتاتتىڭ سٶزٸنشە, تٷزەتۋ قابىلدانعان.
"بۇعان دەيٸن قالاي ەدٸ جەنە نەگە بۇل ٷلكەن مەسەلە بولدى? كٶپتەگەن زەرتتەۋشٸ PhD دەرەجەسٸن 30-32 جاس شاماسىندا الادى, ال مەديتسينا سيياقتى ۇزاق دايارلىقتى قاجەت ەتەتٸن باعىتتاردا بۇل كەزەڭ ودان دا كەش كەلەدٸ. PhD دوكتورى اتانىپ, ناعىز تەجٸريبە جيناپ, ٷلكەن زەرتتەۋلەردٸ باستاعان شاعىندا عالىمدار 35-كە تولىپ ٷلگەرەتٸن. سالدارىنان ەڭ ٶنٸمدٸ جۇمىس ٸستەيتٸن شاعىندا ولار جاس عالىمدارعا ارنالعان مەملەكەتتٸك گرانتتاردان, ستيپەندييالاردان, تٸپتٸ باسپانا باعدارلامالارىنان قاعىلىپ قالاتىن. وسى جاساندى شەكتەۋدٸڭ كەسٸرٸنەن قانشاما دارىندى مامان عىلىمنان كەتٸپ قالدى. ەندٸ بٸز بۇل ەدٸلەتسٸزدٸكتٸ ٶزگەرتتٸك", - دەدٸ اسحات ايماعامبەتوۆ.
ەندٸ جاس عالىم - جاسى 44-تٸ قوسا العاندا, عىلىمي جۇمىس ٶتٸلٸ 10 جىلدان اسپايتىن (بالا كٷتٸمٸنە بايلانىستى 3 جىلعا دەيٸنگٸ دەمالىس ۋاقىتىن ەسەپتەمەگەندە) زەرتتەۋشٸ.
دەپۋتات بۇل ٶزگەرٸس مىناداي ارتىقشىلىقتار بەرەتٸنٸن ايتتى:
- گرانتتارعا جول اشىلادى. جاس عالىمدارعا ارنالعان ميللياردتاعان تەڭگەنٸڭ ارنايى مەملەكەتتٸك بايقاۋلارىنا ەندٸ 44 جاستاعى زەرتتەۋشٸلەر دە تەڭ قۇقىلى قاتىسا الادى (عىلىمي جۇمىس ٶتٸلٸ 10 جىلدان اسپايتىن).
- ارنايى ستيپەندييالار. جاس عالىمدارعا ارنالعان مەملەكەتتٸك ستيپەندييالاردى يەلەنۋگە تولىق قۇقىق بەرٸلەدٸ.
- باسقا دا ارتىقشىلىقتار. جاڭا زاڭ عالىمدارىمىزعا جاڭا سەرپٸن بەرەدٸ.
