"Jas ǵalym" mártebesiniń jas shekteýi resmi túrde uzartyldy. Endi ol 44 jasqa deiin bolady. Bul týraly depýtat Ashat Aimaǵambetov málimdedi, dep habarlaidy dalanews.kz.
Depýtattyń sózinshe, túzetý qabyldanǵan.
"Buǵan deiin qalai edi jáne nege bul úlken másele boldy? Kóptegen zertteýshi PhD dárejesin 30-32 jas shamasynda alady, al meditsina siiaqty uzaq daiarlyqty qajet etetin baǵyttarda bul kezeń odan da kesh keledi. PhD doktory atanyp, naǵyz tájiribe jinap, úlken zertteýlerdi bastaǵan shaǵynda ǵalymdar 35-ke tolyp úlgeretin. Saldarynan eń ónimdi jumys isteitin shaǵynda olar jas ǵalymdarǵa arnalǵan memlekettik granttardan, stipendiialardan, tipti baspana baǵdarlamalarynan qaǵylyp qalatyn. Osy jasandy shekteýdiń kesirinen qanshama daryndy maman ǵylymnan ketip qaldy. Endi biz bul ádiletsizdikti ózgerttik", - dedi Ashat Aimaǵambetov.
Endi jas ǵalym - jasy 44-ti qosa alǵanda, ǵylymi jumys ótili 10 jyldan aspaityn (bala kútimine bailanysty 3 jylǵa deiingi demalys ýaqytyn eseptemegende) zertteýshi.
Depýtat bul ózgeris mynadai artyqshylyqtar beretinin aitty:
- Granttarǵa jol ashylady. Jas ǵalymdarǵa arnalǵan milliardtaǵan teńgeniń arnaiy memlekettik baiqaýlaryna endi 44 jastaǵy zertteýshiler de teń quqyly qatysa alady (ǵylymi jumys ótili 10 jyldan aspaityn).
- Arnaiy stipendiialar. Jas ǵalymdarǵa arnalǵan memlekettik stipendiialardy ielenýge tolyq quqyq beriledi.
- Basqa da artyqshylyqtar. Jańa zań ǵalymdarymyzǵa jańa serpin beredi.
