ءال-فارابي اتىنداعى قازۇۋ-دا حيميا جانە حيميالىق تەحنولوگيا بويىنشا XII حالىقارالىق ءبىرىمجانوۆ سەزى باستالدى. ءداستۇرلى حالىقارالىق شاراعا الەمنىڭ تۇكپىر-تۇكپىرىنەن حيميا سالاسىنىڭ بىلىكتى عالىمدارى، ساراپشىلار مەن جاس زەرتتەۋشىلەر، بيزنەس جانە ونەركاسىپ وكىلدەرى جينالدى. سەزدە بارلىعى 250-دەن استام قاتىسۋشى تىركەلدى.
عىلىمي باسقوسۋدى قازۇۋ-دىڭ باسقارما ءتوراعاسىنىڭ ورىنباسارى - ءبىرىنشى پرورەكتور م.ا. ەركىن دۇيسەنوۆ اشىپ، حيميا عىلىمىنىڭ ەلدىڭ دامۋىندا ماڭىزدى ورىن الاتىنىن اتاپ ءوتتى.
– مەملەكەت باسشىسى قاسىم-جومارت توقايەۆ ەلىمىزدىڭ ونەركاسىپتىك جانە ەكونوميكالىق وركەندەۋىنىڭ ىرگەتاسى بولىپ قالانعان حيميا عىلىمىن دامىتۋ قاجەتتىلىگىنە باسا نازار اۋدارىپ كەلەدى. ءال-فارابي اتىنداعى قازۇۋ-دا وزىق زەرتتەۋلەر جۇرگىزۋ ءۇشىن، ونىڭ ىشىندە حيميا سالاسىندا بارلىق جاعدايلار جاسالعان. 2024 جىلدىڭ ماۋسىم ايىندا حيميا جانە حيميالىق تەحنولوگيا فاكۋلتەتىندە الدىڭعى قاتارلى جابدىقتارمەن جابدىقتالعان 9 زاماناۋي زەرتحانانى قامتيتىن Farabi Chem Science زاماناۋي كلاستەرى اشىلدى. قولدانبالى حيميا تۇراقتى دامۋ ءۇشىن جاڭا ماتەريالدار، تەحنولوگيالار مەن شەشىمدەر جاساۋعا جول اشادى، – دەدى ەركىن ەرمان ۇلى.
ق ر _نەركاسىپ جانە قۇرىلىس مينيسترلىگى حيميا ونەركاسىبى باسقارماسىنىڭ باسشىسى ازامات قالەن ءوز سوزىندە «سىزدەردىڭ تۇلەكتەرىڭىز رەتىندە بۇگىنگى شاراعا قاتىسقانىما وتە قۋانىشتىمىن. قازىرگى تاڭدا ءوندىرىس جانە حيميا سالاسىن بىلىكتى كادرلارسىز ەلەستەتۋ مۇمكىن ەمەس. سوندىقتان، ونەركاسىپ مينيسترلىگى قازۇۋ-عا قولداۋ كورسەتىپ، بىلىكتى، ساۋاتتى مامان دايارلاۋعا جاردەمدەسۋگە دايىن»، – دەدى ازامات قالەن.
قازاقستان-امەريكا ەركىن ۋنيۆەرسيتەتىنىڭ پرەزيدەنتى ەرەجەپ مامبەتقازييەۆ قۇتتىقتاۋ حاتىندا سەزدى ۇرپاقتار ساباقتاستىعىن ساقتاۋ ءۇشىن جاقسى ءداستۇر دەپ اتادى. «بۇگىندە قازاقستان ىسكەرلىك، وركەنيەتتى الەمگە سەنىمدى تۇردە ەنۋدە. بۇل تاۋەلسىز رەسپۋبليكانىڭ ءبىلىمى مەن عىلىمىنا ەلەۋلى ۇلەس قوسقان قازۇۋ تۇلەكتەرىنىڭ ەلەۋلى ەڭبەگى. بولاشاقتا قازاقستان-امەريكا ەركىن ۋنيۆەرسيتەتىنىڭ بازاسىندا حيميكتەردىڭ كەلەسى فورۋمىن ۇيىمداستىرۋعا دايىنمىن»، – دەلىنگەن حاتتا.
ب.ا. ءبىرىمجانوۆ اتىنداعى قازاقستاندىق حيميا قوعامىنىڭ ءتوراعاسى، ق ر ۇعا اكادەميگى، فورۋمنىڭ باستاماشىلارىنىڭ ءبىرى مۇحامبەتقالي بۇركىتبايەۆ پلەنارلىق وتىرىستىڭ اشىلۋىندا ويىن ورتاعا سالدى.
– بۇگىنگى فورۋم – بۇل ءبىزدىڭ حيميا عىلىمى، ءبىلىم بەرۋ جانە ونەركاسىپ سالاسىندا بۇگىنگى كۇنگە دەيىن قول جەتكىزگەن دەڭگەيدىڭ كورسەتكىشى. ءبىز تاۋسىلمايتىن شيكىزات رەسۋرستارىنىڭ مۇمكىندىكتەرىن، ەلدىڭ الەۋەتىن تولىق پايدالانۋ ءۇشىن بەلگىلى ءبىر شەشىمدەر ازىرلەپ، عىلىم، ءبىلىم جانە ونەركاسىپ الدىندا تۇرعان مىندەتتەردى انىقتاۋىمىز كەرەك، – دەدى ءتوراعا.
سونداي-اق پلەنارلىق جيىن اياسىندا «جانۋ ماسەلەلەرى ينستيتۋتى» رمك عىلىمي جەتەكشىسى، ءبىرىمجانوۆ سەزىنىڭ باستاماشىسى زۋلحاير مانسۇروۆ، نازاربايەۆ ۋنيۆەرسيتەتىنىڭ ونەركاسىپپەن ءوزارا ءىس-قيمىل جونىندەگى ۆيسە-پروۆوست جۇماباي باكەنوۆ جانە قازىرگى كەزدەگى جوعارى ۇلتتىق حيميا مەكتەبىنىڭ (ENSCR) وكىلى سيلۆەن جيروۆ بايانداما جاسادى.
بيىلعى شارا باعدارلاماسىندا «حيميا ونەركاسىبى ءۇشىن كادرلاردى دايارلاۋ» اتتى پانەلدىك جيىن مەن «يندۋستريا جانە ۋنيۆەرسيتەت»، «زەرتتەۋلەردى كوممەرسيالاندىرۋ: عىلىمدى بيزنەسكە اينالدىرۋ»، «حيميا جانە حيميالىق تەحنولوگياداعى جاساندى ينتەللەكت جانە سيفرلىق تەحنولوگيالار»، «حيميانى وقىتۋدىڭ سىن-قاتەرلەرى: جاڭا ستراتەگيالار»، «فارماسيەۆتيكا سالاسىنداعى جاڭا ترەندتەر» سىندى سەمينارلار بار. ءىس-شارا اياسىندا بوس ورىندار جارمەڭكەسى مەن وندىرىستىك كومپانيالاردىڭ كورمەسى وتەدى.
شارانى ءال-فارابي اتىنداعى قازۇۋ، س. وتەبايەۆ اتىنداعى مۇناي جانە گاز ۋنيۆەرسيتەتى، KAZحيميا حيميا ونەركاسىبىنىڭ قاۋىمداستىعى، مۇناي-گاز-حيميا ونىمدەرىن وندىرۋشىلەر مەن تۇتىنۋشىلار قاۋىمداستىعى (مۇناي-گاز-حيميا قاۋىمداستىعى) بىرلەسە ۇيىمداستىردى.
ءال-فارابي اتىنداعى قازۇۋ-دىڭ باسپا ءسوز قىزمەتى
