بۇل مەكتەپ ءبىلىم، عىلىم، تاربيە، اقپاراتتىق تەحنولوگيا، ەكونوميكالىق جوسپارلاۋ، جوعارى وقۋ ورىندارىن باسقارۋ ستراتەگياسى، اكادەميالىق ساياسات، اكادەميالىق ۇتقىرلىق ماسەلەلەرىن قامتيتىن 8 سەسسيا بويىنشا جۇرگىزىلۋدە.
ۋنيۆەرسيتەتتەگى تاربيە جەتەكشىلىگى جۇيەسىنىڭ تيىمدىلىگىن ارتتىرۋ، تاربيە جەتەكشىلەرىنە ادىستەمەلىك كومەك كورسەتۋ ماقساتىندا اتالمىش مەكتەپ اياسىندا 2018 جىلدىڭ 8-9 قاڭتار كۇندەرى ارالىعىندا «تاربيە جەتەكشىسى مەكتەبى» اتتى سەمينارى ءوتتى.
ەكى كۇنگە سوزىلعان سەمينار تۇلعا پسيحولوگياسى، جاستاردىڭ فيزيكالىق بەلسەندىلىگى، تالىمگەرلىك تاجىريبە ماسەلەلەرى تاقىرىپتارى اياسىندا جۇرگىزىلدى. ۇيىمداستىرىلىپ وتىرعان بۇل سەمينار جۇمىسىنا 150-گە جۋىق تاربيە جەتەكشىسى قاتىستى. ساباقتار ترەنينگ، تالداۋ-پىكىرتالاستار، ينتەراكتيۆتى ءبىلىم بەرۋ تەحنولوگيالارىن قولدانۋ ارقىلى سەمينار-پراكتيكۋمدار، توپتىق جۇمىس تۇرىندە جۇرگىزىلدى.
سەمينار ساباقتارىن ۋنيۆەرسيتەتىمىزدىڭ بىلىكتى عالىمدارى اكادەميك جاميليا نامازبايەۆا، پروفەسسور شامشيدين بالعىمبەكوۆ، پسيحولوگ-ماماندار ميرا يباشوۆا، انەل سادىقوۆالار جۇرگىزدى.
سەميناردىڭ قورىتىندى ساباعىن «ورلەۋ» باۇو اق فيليالى دەڭگەيلىك باعدارلامالار ورتالىعىنىڭ ترەنەرى كۋليايحان تۇرداقىنوۆا جۇرگىزىپ، وقۋ-تاربيە بارىسىن ۇيىمداستىرۋدىڭ زاماناۋي تاسىلدەرى بويىنشا ءوز تاجىريبەسىمەن ءبولىستى.
ۋنيۆەرسيتەتىمىزدىڭ تاربيە جۇمىسى جانە الەۋمەتتىك دامۋ جونىندەگى پرورەكتورى جاناتبەك ىشپەكبايەۆ «تاربيە جەتەكشىسى مەكتەبى» سەمينارىن قورىتىندىلاپ، شەبەرلىك ساباعىن اياقتاعان تاربيە جەتەكشىلەرىنە سەرتيفيكاتتار تابىستادى.
اباي اتىنداعى ءقازۇپۋ-دىڭ تاربيە، الەۋمەتتىك جۇمىستار جانە جاستار ساياساتى جونىندەگى دەپارتامەنت
https://dalanews.kz/32760
