QazUPÝ – pedagogtardyń kásibiligin shyńdap jatyr
Bul mektep bilim, ǵylym, tárbie, aqparattyq tehnologiia, ekonomikalyq josparlaý, joǵary oqý oryndaryn basqarý strategiiasy, akademiialyq saiasat, akademiialyq utqyrlyq máselelerin qamtityn 8 sessiia boiynsha júrgizilýde.
Ýniversitettegi tárbie jetekshiligi júiesiniń tiimdiligin arttyrý, tárbie jetekshilerine ádistemelik kómek kórsetý maqsatynda atalmysh mektep aiasynda 2018 jyldyń 8-9 qańtar kúnderi aralyǵynda «Tárbie jetekshisi mektebi» atty seminary ótti.
Eki kúnge sozylǵan seminar tulǵa psihologiiasy, jastardyń fizikalyq belsendiligi, tálimgerlik tájiribe máseleleri taqyryptary aiasynda júrgizildi. Uiymdastyrylyp otyrǵan bul seminar jumysyna 150-ge jýyq tárbie jetekshisi qatysty. Sabaqtar trening, taldaý-pikirtalastar, interaktivti bilim berý tehnologiialaryn qoldaný arqyly seminar-praktikýmdar, toptyq jumys túrinde júrgizildi.
Seminar sabaqtaryn ýniversitetimizdiń bilikti ǵalymdary akademik Jamilia Namazbaeva, professor Shamshidin Balǵymbekov, psiholog-mamandar Mira Ibashova, Anel Sadyqovalar júrgizdi.
Seminardyń qorytyndy sabaǵyn «Órleý» BAUO AQ filialy deńgeilik baǵdarlamalar ortalyǵynyń treneri Kýliaihan Turdaqynova júrgizip, oqý-tárbie barysyn uiymdastyrýdyń zamanaýi tásilderi boiynsha óz tájiribesimen bólisti.
Ýniversitetimizdiń tárbie jumysy jáne áleýmettik damý jónindegi prorektory Janatbek Ishpekbaev «Tárbie jetekshisi mektebi» seminaryn qorytyndylap, sheberlik sabaǵyn aiaqtaǵan tárbie jetekshilerine sertifikattar tabystady.
Abai atyndaǵy QazUPÝ-diń Tárbie, áleýmettik jumystar jáne jastar saiasaty jónindegi departament
https://dalanews.kz/32760
