ساتيرالىق Qaznews24 پابليگٸنٸڭ اۆتورى تەمٸرلان ەڭسەبەكتٸڭ ٸسٸ بويىنشا سوت پروتسەسٸ تاعى دا كەيٸنگە قالدىرىلدى, دەپ حابارلايدى Dalanews.kz.
كەزەكتٸ سوت وتىرىسى بٷگٸن, 21 اقپاندا ساعات 10.00-دە ٶتۋٸ تيٸس بولاتىن. الايدا, ادۆوكات جانارا بالعاباەۆانىڭ ايتۋىنشا, تٶراعالىق ەتۋشٸ سۋديانىڭ «وتباسىلىق-جەكە جاعدايلارىنا» بايلانىستى سوت پروتسەسٸ بەلگٸسٸز مەرزٸمگە اۋىستىرىلدى.
قازٸرگٸ ۋاقىتتا تىڭداۋدىڭ جاڭا كٷنٸ مەن ۋاقىتى بەلگٸلەنگەن جوق.
ايتا كەتەيٸك, بۇعان دەيٸن Human Rights Watch (HRW) قازاقستان ٷكٸمەتٸنەن تەمٸرلان ەڭسەبەككە قاتىستى ايىپتاردى الىپ, ونى تٷرمەدەن بوساتۋدى تالاپ ەتكەن بولاتىن.
قۇقىق قورعاۋشىلار بۇل قىلمىستىق قۋدالاۋدى شەكتەن تىس دەپ سانايدى. ولاردىڭ ايتۋىنشا, بلوگەردٸڭ جارييالاعان جازبالارىندا زورلىق-زومبىلىققا نەمەسە كەمسٸتۋشٸلٸككە شاقىرۋ بولماعان. ال, قىلمىستىق كودەكستٸڭ 174-بابىن («ارازدىقتى قوزدىرۋ») سٶز بوستاندىعىن شەكتەۋ ٷشٸن پايدالانىپ وتىر. Human Rights Watch بۇل ەڭسەبەكتٸڭ بٸرٸنشٸ رەت قۋدالانۋى ەمەستٸگٸن ەسكە سالدى: 2021 جىلى وعان جالعان اقپارات تاراتتى دەگەن ايىپ تاعىلىپ, كەيٸن ٸس جابىلعان بولاتىن.
"قاراپايىم تٸلمەن ايتقاندا, بۇل جەردە ەشقانداي قىلمىس جوق, تەك بيلٸك تاراپىنان قىلمىستىق قۇقىقتى اسىرا پايدالانۋ بار. قازاقستان ٷكٸمەتٸ ەڭسەبەككە قاتىستى نەگٸزسٸز جەنە شەكتەن تىس قىلمىستىق "ارانداتۋشىلىق" ايىپتى تەز ارادا جويۋى جەنە ونى سوتقا دەيٸن قاماۋدان بوساتۋى قاجەت", – دەدٸ Human Rights Watch ۇيىمىنىڭ ورتالىق ازييا بويىنشا اعا زەرتتەۋشٸسٸ ميرا ريتتمانن.
Human Rights Watch قازاقستان ٷكٸمەتٸن سٶز بوستاندىعىن قورعاۋعا جەنە بلوگەرگە قارسى قىلمىستىق قۋدالاۋدى توقتاتۋعا شاقىردى.
ەسكە سالايىق, QazNews24 ساتيرالىق پابليگٸنٸڭ اۆتورى تەمٸرلان ەڭسەبەكتٸ پوليتسييا 17 قاڭتاردا ٷيٸنە تٸنتۋ جٷرگٸزگەننەن كەيٸن ۇستاپ ەكەتكەن. 18 قاڭتاردا ەڭسەبەك ەكٸ ايعا قاماۋعا الىندى. وعان "ۇلتارالىق الاۋىزدىق قوزدىردى" دەگەن ايىپ تاعىلىپ وتىر. پوليتسييا قىلمىستىق ٸستٸڭ سەبەبٸ – ۇلتارالىق ارازدىقتى قوزدىرۋ جەنە ەتنوستاردىڭ بٸرٸنٸڭ ٶكٸلدەرٸن قورلاۋ بەلگٸلەرٸ بار ماتەريالدى جارييالاۋ بولعان.
بەلگٸلٸ زاڭگەر جانار بالعاباەۆانىڭ ايتۋىنشا, تەمٸرلان ەڭسەبەكتٸڭ قامالۋىنا "يوۋ, ورىستار" دەگەن ەن تٷرتكٸ بولعان. ەڭسەبەك بۇل ەندٸ رەسەيلٸك تەلەجٷرگٸزۋشٸ تينا كاندەلاكي تۋرالى پوستىنا قوسقان. ەندە بالاعات سٶزدەر بار.
ول 174-باپ "ەلەۋمەتتٸك, ۇلتتىق, رۋلىق, نەسٸلدٸك, تاپتىق نەمەسە دٸني الاۋىزدىقتى قوزدىرۋ" بويىنشا ايىپتالىپ وتىر. تەمٸرلان ەڭسەبەك 2 جىلدان 7 جىلعا دەيٸن باس بوستاندىعىنان ايىرىلۋى مٷمكٸن.
