قازىعۇرت اۋدانىنداعى «پاسەكا-بال» شارۋا قوجالىعى جىلىجاي ءوندىرىسىن دامىتۋدا. 2010 جىلى ىسكە قوسىلعان قوجالىقتىڭ ءقازىر 18 گەكتار ەگىستىك جەرى بار. ونىڭ ىشىندە جىلىجاي كولەمى – 1،46 گەكتار– دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇگىندە شارۋاشىلىقتا گۇل وسىرەتىن ءۇش جىلىجاي بار. وندا جىلىنا 1 ميلليوننان استام گۇل قىرقىلادى.

شارۋانىڭ گۇل باعىندا راۋشاننىڭ «Misty Bubbles»، «كاتالينا»، «قارا سيقىر» دەپ اتالاتىن ءۇش ءتۇرى وسىرىلەدى.

شارۋا قوجالىقتىڭ ءتوراعاسى ازيزبەك قاسىموۆتىڭ سوزىنشە، ءبىر عانا جىلىجايدىڭ وزىنەن جىلىنا 400 مىڭعا دەيىن گۇل قىرقىلادى. ءونىمدى شىمكەنت، الماتى، قىزىلوردا قالالارىنا جونەلتەدى.

گۇلدەردىڭ ورتاشا باعاسى - 150-170 تەڭگە. بۇگىندە جىلىجايدا تۇراقتى 15 ادام جۇمىس ىستەيدى.

ايتا كەتسەك، رەسپۋبليكادا سالىنعان جىلىجايلاردىڭ 70%-ى تۇركىستان وبلىسىنا تيەسىلى. وبلىستاعى جىلىجايلاردىڭ جالپى كولەمى – 1 640 گەكتار. وتكەن جىلى جالپى جىلىجايلاردان 140 مىڭ توننا ءونىم جينالىپ، رەسپۋبليكا حالقىنىڭ 42%-ى كوكونىسپەن قامتاماسىز ەتىلگەن.