ەڭ الدىمەن، ءوڭىر باسشىسى اۋداننىڭ قازىعۇرت اۋىلىنداعى "بولاشاق" شاعىن اۋدانىنان بوي كوتەرگەن 16 پاتەرلى 4 تۇرعىن ءۇيدىڭ كىلتىن پاتەر قوجايىندارىنا تابىستاپ، قۋانىشتارىنا ورتاقتاستى. 20 از قامتاماسىز ەتىلگەن وتباسى مەن جەتىم بالالارعا تابىستالعان ۇيلەرگە بولاشاقتا، جالپى سانى 64 وتباسى كوشىپ بارىپ، قونىس تويىن تويلايتىن بولادى.
– مىنە، وزدەرىڭىز كورىپ تۇرعانداي، تۇرعىن ۇيلەر بۇگىنگى تالاپقا ساي سالىنعان. سۋ، تابيعي گاز جۇيەلەرى مەن جارىق تارتىلعان. ءىشى جارىق. عيماراتى ەڭسەلى. كەلەشەكتە مۇنداي جۇمىستار ءوز جالعاسىن تاباتىن بولادى. قۇرمەتتى قونىس يەلەرى! قۋانىشتارىڭىز ۇزاعىنان بولىپ، قونىس تويلارىڭىز قۇتتى بولسىن! وتباسىلارىڭىز قۋانىشتى، باقىتتى ساتتەرگە تولا بەرسىن! –دەدى ايماق باسشىسى.
اۋداننىڭ 90 جىلدىق تورقالى تويىندا سالاۋاتتى ءومىر سالتىن ۇستاناتىن تۇرعىندار ءۇشىن دە بۇل كۇن قۇتتى بولدى. ءدال وسى شاعىن اۋداندا 210 ورىنعا ارنالعان «جەڭىس» دەنەشىنىقتىرۋ-ساۋىقتىرۋ كەشەنىنىڭ قۇرىلىسى اياقتالىپ، پايدالانۋعا تاپسىرىلدى.
سالتاناتتى شاراعا كۋا بولعان ج.تۇيمەبايەۆ تاياۋدا عانا الەمدىك ارەنالاردا اۋداننىڭ شىققان شاراپحانالىق ەرجان جومارت، ابدۋللا ەركەبۇلان سىندى سايىپقىرانداردىڭ توپتى جارىپ شىققانىن مىسال ەتىپ، قازىعۇرتتان ولاردىڭ جولىن قۋىپ، كۇللى قازاقتىڭ نامىسىن قورعايتىن ورەندەر شىعۋىنا تىلەكتەستىگىن ءبىلدىردى. بۇل تىلەگىن جانسەيىت قانسەيىت ۇلى وسىندا كەلگەن جاس سپورتشى بالالارمەن كەزدەسۋدە دە ايتتى. بولاشاق جەڭىمپازداردىڭ كەلەشەكتە قازىعۇرتتىڭ نامىسىن عانا ەمەس، وبلىسىمىزدىڭ، رەسپۋبليكامىزدىڭ اتىن شىعارۋدا ايانباي ەڭبەك ەتىپ، ونەر كورسەتۋى قاجەتتىگىن جەتكىزدى.
مۇنان سوڭ، جينالعان كوپشىلىك وسى اۋىلدان جاڭادان جۇمىسىن باستاعان «ونەر» مەكتەبىنىڭ سالتاناتتى اشىلۋىن تاماشالادى. 100 ورىنعا لايىقتالعان ونەر ورداسىندا ەندى قازىعۇرتتىڭ ونەرپازدارى وبلىستىق، رەسپۋبليكالىق ونەر بايقاۋلارىنا دايىندالاتىن بولادى.
90 جىلدىق مەرەكە اياسىندا ءوڭىر باسشىسى باستاعان توپ اۋداندا اشىلعان ەتنواۋىلدا بولىپ، اۋىل شارۋاشىلىعى ونىمدەرى قويىلعان كورمەنى تاماشالادى.
تۇركىستان وبلىسى اكىمىنىڭ باسپا ءسوز قىزمەتى
