بۇگىندە تۇركىستان وبلىسىندا قۇرىلىس ماتەريالدارىن شىعارۋ ءىسى قارقىندى تۇردە ىسكە اسىپ كەلەدى. ءبىزدىڭ بۇل سوزىمىزگە قازىعۇرت اۋدانىنداعى «وتىرابات-قۇرىلىس» سەرىكتەستىگىنىڭ گازوبەتون بلوگىن شىعاراتىن ءوندىرىس ورنىنىڭ تابىستى جۇمىس ىستەپ جاتقانى ايقىن مىسال بولا الادى.

بۇل جوبا يندۋستريالىق-يننوۆاسيالىق دامۋ باعدارلاماسىنىڭ اياسىندا اۋدانداعى يندۋستريالدى ايماقتا جۇزەگە اسقان بولاتىن. كاسىپورىن جىلىنا 12 مىڭ شارشى مەتر گازوبەتون بلوگىن شىعاراتىن بولادى. وندىرىستە الدىڭعى قاتارلى يننوۆاسيالىق تەحنولوگيالاردىڭ قولدانىلۋى مەن جوعارى ساپالى شيكىزاتتىڭ پايدالانىلۋىنىڭ ارقاسىندا، زاۋىتتىڭ ءونىمى حالىقارالىق ستاندارتتاردىڭ ەڭ جوعارى تالاپتارىنا جاۋاپ بەرەدى.

مۇندا جىلىنا 12 مىڭ شارشى مەتر، ياعني 336 مىڭ دانا گازوبەتون بلوگى شىعارىلادى. قۇرىلىستا ءتيىمدى بولىپ كەلەتىن بۇل ءونىمنىڭ ەنى 30 سم، بيىكتىگى 40، ال ۇزىندىعى 60 سم. اتالعان كاسىپورىننىڭ ونىمدەرى وڭىردە سالىناتىن كوپقاباتتى تۇرعىن ۇيلەردە قولدانىلاتىن بولادى.

ءوندىرىس وشاعى قازىعۇرت اۋدانى مەن كورشىلەس جاتقان اۋدانداردىڭ قاجەتتىلىگى ءۇشىن گازوبەتون بلوگىن شىعارۋدا.

قازىرگى تاڭدا قازىعۇرت اۋدانىنداعى يندۋستريالدى ايماقتا جالپى قۇنى 2 ملرد. تەڭگەنى قۇرايتىن 7 جوبا جۇزەگە استى. وڭىرلەردە كاسىپورىندار اشىلسا، سالىق ءتۇسىپ، ەل بيۋدجەتى مولايىپ، حالىق تۇراقتى جۇمىس ورىندارىمەن قامتىلاتىنى بەلگىلى.

 

Dalanews.kz