قولىمىزعا قازىبەكتٸڭ سىرى تەرەڭ «سىرتولعاۋى» تيدٸ. الامانعا قوسىپ جاتقان اقىننىڭ جەلتابانى, جٷيرٸگٸ ەكەن. جىر ەلەمٸ ەكەن. سول ەلەمدٸ بٸر ارالاپ شىققان دا, بٸر نەرسەنٸۇقتىق. 
اقىن ەلەمٸنٸڭ سونشالىقتى جانعا جاقىندىعىن ۇقتىق. بٸز تٸپتٸ بۇل عۇمىردى بٸر اۋىلدا كەشكەندەيمٸز. بالا قازىبەكتٸڭ تابانى قىزىلقۇمعا كٷيٸپ جٷرٸپ ەسەيسە, بٸزدٸڭ دە تابانىمىز قاراقۇمعا كٷيٸپ جٷرٸپ ەسەيٸپ ەدٸك.بالا قازىبەككە ٶمٸر نەرٸن سىردىڭ سۋى
سىيلاسا, بٸزگە دە ٶمٸر نەرٸن ەمۋدارييا سىيلاپ ەدٸ. بالا قازىبەك كٶزٸن قوزى-لاقتىڭ شۋىمەن تىرناپ اشسا, بٸز دە كٶزٸمٸزدٸ قويلى اۋىلدا تىرناپ اشىپ ەدٸك.
اينالىپ كەلگەندە ول دا, بٸز دە ۇلى دالانىڭ يەن قۇشاعىندا ٶسكەن ۇلدار ەكەنبٸز. ونىڭ دا, بٸزدٸڭ دە بويىمىزعا انا سٷتٸمەن سٸڭگەن اسىلىمىز انا تٸلٸمٸز بولىپتى. وسىلاردان كەلٸپ, قازىبەكتٸڭ ٶزٸنە دە, ٶلەڭٸنە دە باۋىر
باسىپ كەتتٸك. ٶمٸر مەن ٶنەردە ەس بٸلگەلٸ بٸر اتانىڭبالاسىنداي بولىپ كەتتٸك. ٶزٸمٸزدە دە, سٶزٸمٸزدە دەالشاقتىق جوق.
تۇتقىندالعان پەندەنٸ تۇماندا دا,
قۇتقاراتىن قۇداي مەن قۇران عانا.
اقيقاتتى ٸزدەگەن بارلىق ادام,
اقىر تٷبٸ باس يەر بٸر اللاعا. – دەپ, ولجىرلاعانىنداي سەجدەگە دە بٸرگە باس يٸپپٸز.
سۇلۋلىق جەر بەتٸندەگٸ اللانىڭ نۇرى بولسا سول نۇرعا «مەنگٸلٸك شٶلدەپ ٶتەم» دەپ اقىن, وسى كٸتاپتاعى بٸر ٷلكەن تاراۋىن نەزٸك جاندىلارعا ارنايدى. سۇلۋلارعا دا بٸز بەينە بٸر كٶزبەن قارايدى ەكەن.
تٸپتەن, ەكەۋمٸز «اق جول» پارتيياسىنان كەزٸندە دەپۋتاتتىققا دا بٸرگە تٷستٸك. ول كەيٸن مەجٸلٸسدەپۋتاتى بولدى دا, بٸز ٶمٸر دەپۋتاتى بولىپ كەتتٸك. قايدا جٷرسەك تە, يلەگەنٸمٸز بٸر تەرٸنٸڭ پۇشپاعى, ۇلت قۇندىلىعى بولدى. بٸراق, قازىبەكتٸڭ بەرٸبٸربٸزدەن ٶتكەن بٶلەك قاسيەتٸ بولدى. ول قاسيەت وعاناتا-اناسى ازان شاقىرىپ, قازاقتىڭ ۇلى بيٸنٸڭ اتىنقويۋدان باستالىپتى. سودان قازىبەك بيدٸڭ ارۋاعىقازىبەك بالانى جەلەپ-جەبەۋمەن بولىپتى. سول ارۋاق الدىمەن قازىبەكتٸڭ قۇلاعىنا قازاقتىڭكيەلٸ دە, قۇنارلى سٶزٸن قۇيا بەرٸپتٸ.
سول سٶز كيەسٸ بالا قازىبەك ەس جيىپ, ەتەك جاپقاننان باستاپ ٶلەڭ سٶز بوپ اۋىزىنان اعىتىلا باستاسا كەرەك. ۇلى بي ارۋاعى اقىرى ونى الاشسٶزٸن ايتار شارشى توپقا القالاپ الىپ كەلسە كەرەك. الىپ كەلٸپ قانا قويماي, «اتالى سٶز ايت!» دەپباتاسىن بەرسە كەرەك. قازىبەك ايتا باستادى. ارۋاققولداپ, اتالى سٶز ايتا باستادى. ايتقاندارىجاتتالىپ, قاناتتى سٶزگە اينالا باستادى مىسالى; تٸلٸمٸزدٸڭ مٷشكٸل حالٸ تۋرالى: «انا تٸلٸمٸزەسٸكتەن سىعالاپ تۇرعاندا, بٸز قالاي شالقايىپتٶردە وتىرامىز?!» دەگەنٸ ەل اۋزىندا جاتتالىپقالدى.
ايتارىمىز, بٷگٸندە قازىبەك يسانى حالقىنا قادٸرلٸ ەتكەن قاسيەت ونىڭ قارىمدى قالامگەرلٸگٸنە قوسىلعان, وسىناۋ قايتپاس, قايسار, ازاماتتىق, قايراتكەرلٸگٸ بولدى. ازاماتتىق قايراتكەرلٸك كەز-كەلگەن اقىنعا بۇيىرماعان. بۇل بٷگٸنگٸ تاڭدا ەدٸلەتتٸ قازاقستان قۇرۋدا قوعامعا پايداسى مەن شاراپاتى الابٶتەن قاسيەت.
قازىبەك - قانداي ماراپاتقا دا لايىقتى تۇلعا دەر ەدٸك.
سماعۇل ەلۋباي,
قر حالىق جازۋشىسى
