قازاقستاندا مٷگەدەكتٸك ساتىلا ما?

قازاقستاندا مٷگەدەكتٸك تاعايىنداۋ بارىسىندا جالعان قۇجاتتار قولدانۋ دەرەكتەرٸ انىقتالدى, دەپ حابارلايدى dalanews.kz.

ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, مٷگەدەكتٸك بەلگٸلەۋ, ەڭبەككە قابٸلەتتٸلٸكتٸ جوعالتۋ دەڭگەيٸن انىقتاۋ جەنە ەلەۋمەتتٸك قولداۋ شارالارىن تاعايىنداۋ بويىنشا جٷرگٸزٸلگەن مونيتورينگ نەتيجەسٸندە 167 كٷمەندٸ جاعداي تٸركەلگەن.

«مەديتسينالىق قۇجاتتاردى تالداۋ نەتيجەسٸندە جالعاندىق بەلگٸلەرٸ بار 167 فاكت انىقتالدى», – دەلٸنگەن حابارلامادا.

تەكسەرۋ بارىسىندا جٷيەلٸ سيپاتتاعى زاڭبۇزۋشىلىقتار انىقتالعان. اتاپ ايتقاندا, دەرٸگەرلەردٸڭ ەرتٷرلٸ پاتسيەنتتەرگە بٸردەي مازمۇنداعى قۇجاتتاردى «كٶشٸرٸپ قويۋ» ارقىلى رەسٸمدەگەنٸ بەلگٸلٸ بولدى. سونىمەن قاتار زەرتحانالىق نەتيجەلەر, انامنەز جەنە ماماندار قورىتىندىلارى تولىقتاي سەيكەس كەلەتٸن جاعدايلار تٸركەلگەن.

«قۇجاتتاردا تەك ناۋقاستاردىڭ جەكە دەرەكتەرٸ مەن تەكسەرۋ كٷندەرٸ ٶزگەرتٸلٸپ, نەگٸزگٸ مازمۇنى ٶزگەرٸسسٸز قالعان», – دەپ حابارلادى ۆەدومستۆو.

قازٸرگٸ ۋاقىتتا بارلىق انىقتالعان دەرەكتەر بويىنشا تيٸستٸ شارالار قابىلدانۋدا. 73 جاعداي بويىنشا قايتا تەكسەرۋ جٷرگٸزٸلگەن, كٷمەن تۋدىرعان ٸستەر بويىنشا ەلەۋمەتتٸك تٶلەمدەر ۋاقىتشا توقتاتىلعان.

مينيسترلٸك مەلٸمەتٸنشە, زاڭبۇزۋشىلىقتار راستالعان جاعدايدا مٷگەدەكتٸك تاعايىنداۋ تۋرالى شەشٸمدەر قايتا قارالادى.

بارلىق ماتەريالدار قۇقىق قورعاۋ ورگاندارىنا, ونىڭ ٸشٸندە پروكۋراتۋرا مەن ەكونوميكالىق تەرگەپ-تەكسەرۋ دەپارتامەنتتەرٸنە جولدانعان.

ۆەدومستۆو بۇل باعىتتاعى باقىلاۋ جۇمىستارى جالعاساتىنىن اتاپ ٶتتٸ.