پاۆلودار وبلىسىندا جوعالعان بالىقشى ٶلٸ تابىلدى, دەپ حابارلايدى dalanews.kz.
3 مامىردا ەكٸباستۇز قالاسىنا قاراستى شيقىلداق اۋىلى ماڭىندا, اكادەميك سەتباەۆ اتىنداعى كانال ۋچاسكەسٸندە 1963 جىلى تۋعان ەر ادام جوعالىپ كەتكەنٸ تۋرالى حابارلاما تٷسكەن.
الدىن الا مەلٸمەت بويىنشا ول 2 مامىردا دوسىمەن بٸرگە بالىق اۋلاۋعا شىعىپ, سودان كەيٸن بايلانىسقا شىقپاعان. وقيعا ورنىنا جەدەل تٷردە پاۆلودار وبلىسى تجد جەدەل قۇتقارۋ جاساعىنىڭ كٷشتەرٸ جٸبەرٸلگەن.
"قۇتقارۋشىلار ارنايى جابدىقتار مەن موتورلى قايىقتى پايدالانىپ, سۋ ايدىنىن تەكسەردٸ. سونداي-اق, جاعادا ٸزدەستٸرۋ جۇمىستارىن ۇيىمداستىردى. ەۋەدەن مونيتورينگ جٷرگٸزۋ بارىسىندا ۇشۋ اپپاراتىنىڭ كٶمەگٸمەن رەزەڭكە قايىق تابىلدى. قايىق ماڭىنان 5 مەتر تەرەڭدٸكتە ەر ادامنىڭ دەنەسٸ انىقتالدى", - دەپ جازىلعان حابارلامادا.
مەيٸت ەكٸباستۇز قالاسىنىڭ پوليتسييا قىزمەتكەرلەرٸنە تاپسىرىلعان.
