Pavlodar oblysynda joǵalǵan balyqshy óli tabyldy, dep habarlaidy dalanews.kz.
3 mamyrda Ekibastuz qalasyna qarasty Shiqyldaq aýyly mańynda, akademik Sátbaev atyndaǵy kanal ýchaskesinde 1963 jyly týǵan er adam joǵalyp ketkeni týraly habarlama túsken.
Aldyn ala málimet boiynsha ol 2 mamyrda dosymen birge balyq aýlaýǵa shyǵyp, sodan keiin bailanysqa shyqpaǵan. Oqiǵa ornyna jedel túrde Pavlodar oblysy TJD jedel qutqarý jasaǵynyń kúshteri jiberilgen.
"Qutqarýshylar arnaiy jabdyqtar men motorly qaiyqty paidalanyp, sý aidynyn tekserdi. Sondai-aq, jaǵada izdestirý jumystaryn uiymdastyrdy. Áýeden monitoring júrgizý barysynda ushý apparatynyń kómegimen rezeńke qaiyq tabyldy. Qaiyq mańynan 5 metr tereńdikte er adamnyń denesi anyqtaldy", - dep jazylǵan habarlamada.
Máiit Ekibastuz qalasynyń politsiia qyzmetkerlerine tapsyrylǵan.
