1. بٸر اي بۇرىن كٶلٸگٸمدٸ جٶندەتتٸم. مەنەن بۇرىن بٸرەۋ كەلٸپ العان ەكەن. ٶڭكيگەن دەۋ قارا جيپٸن جوعارىعا اسىپ قويدى دا, تالدىقورعاننان تاڭ قاراڭعىسىندا شىعىپ, جەتٸپ كەلگەنٸن ايتتى. 2 ساعاتقا جەتەر-جەتپەس ۋاقىتتا الماتىعا كٸرٸپ ٷلگەرٸپتٸ.
"مەن مەشينەنٸڭ الدىڭعى نٶمٸرٸن الىپ تاستايمىن دا, باسامىن عوي. نٶمٸردٸ الىپ تاستاساڭ, راحات, جولداعى كامەرالارعا تٷسپەيسٸڭ" دەپ قويادى... وسى دا ماقتان با?
تٷرٸنە قاراسام, تٷك قىسىلاتىن ەمەس. مٸگٸتتٸڭ سٶزٸن ايتىپ تۇر بٸراق. وسىدان 10 جىل بۇرىن عانا مۇنداي ەڭگٸمە ايتۋ كەز كەلگەن ەركەكتٸڭ سٷيەگٸنە تاڭبا ەدٸ...
2. قازاقتى سٷيەتٸن بٸر تانىسىم بالاسىن ەلدە ارالاس, ەلدە تازا ورىس باقشاسىنا بەرٸپتٸ. "تٸلٸ جاڭا شىعىپ كەلە جاتىر, "بٸر, دۆا, ٷش, چەتىرە" دەپ قاتىرادى" دەيدٸ. تٷرٸندە ەش قىسىلۋ جوق.
"ٷيباي-اۋ, ورىسشاعا نەگە بەردٸڭ?" دەپ شىر ەتە قالسام, "وي, كەزٸندە ورىسشادان قينالدىق قوي" دەيدٸ. باسىن جارىپ جٸبەرگٸم كەلدٸ.
ەي, ورىسشاعا تٸلٸ كەلمەسە, ٶزٸنٸكٸ كەلمەدٸ, بالانىڭ جازىعى نە? ونىڭ ميىن اتالا كٶجە قىلاتىنداي نە جازىعى بار? سوندىقتان كەزٸندە ورىسشادان قينالعاندار, ەسكەرتەمٸن, بالالارىڭىز ٶزٸڭٸزدەي دارىنسىز, قابٸلەتٸ تٶمەن دەپ ويلاپ قالماڭىزدار. ولار موبيلدٸ زاماننىڭ ۇرپاعى, قاجەتتٸگٸنە وراي 4-5 تٸلدٸ ەركٸن مەڭگەرەدٸ. بٸراق تٸلٸ قازاقشا شىعۋى, قازاقتى تٷسٸنۋٸ شارت!
3. بٸزدٸڭ قۇرداستار مەن تۇستاستار دا قۇدا اتانا باستادى. قىز الىپ, قىز بەرٸپ جاتىر.
جاقىندا سونداي بٸر تۇستاسىم قىزىن ەكەسٸ جوق بالاعا بەرگٸسٸ كەلمەپتٸ. نە دەگەن كومپلەكس بۇل?
مىسالى, مەن دە ەكەمنەن 9 جاسىمدا ايىرىلىپ قالدىم, سوعان كٸنەلٸمٸن بە? ەكەسٸز بالانىڭ الدىنا كٸم شىعىپتى, بولاشاعىن كٸم كٶرٸپ كەلٸپتٸ? قايتا ۇرپاقتىڭ تەڭٸن تاپقانىنا ريزا بولىپ, باتا بەرٸپ, ەرٸ قاراي ٶمٸرلەرٸنٸڭ جاقسى ٷيلەسٸپ كەتۋٸنە دەنەكەر بولمايمىز با?..
ەسەي جەڭٸسۇلى,
