بۇگىن، 2025 جىلى 23 قاڭتاردا قازاقستان قور بيرجاسىنداعى ساۋدا-ساتتىقتا "قازاقتەلەكومنىڭ" ارتىقشىلىققا يە اكسيالارى بۇرىنعى باعامىنا قايتا ورالدى. كەشەگى جوعالتقان 33،09% ورنىنا، ءتىپتى 51،6% ءوسىم بولىپ، ءبىر اكسيا قۇنى 41 709 تەڭگە بولدى، دەپ جازادى Dalanews.kz.

كەشە بيرجادا ۇلتتىق وپەراتوردىڭ ارتىقشىلىققا يە ءبىر اكسياسىنىڭ قۇنى 41،1 مىڭ تەڭگەدەن 27،5 مىڭ تەڭگەگە دەيىن ءبىر-اق تومەندەگەن ەدى. ساراپشىلاردىڭ باسىم بولىگى مۇنى تەحنيكالىق قاتەلىككە بالاعان. ونى ءوز تىلدەرىندە fat finger دەيدى ەكەن. ياعني، قاتە تىركەلگەن مامىلە.

ال "قازتەلەكومنىڭ" ءوزى كەشەگى قۇلدىراۋدى (-33،09%) سپەكۋلياتيۆتىك ىس-قيمىلمەن بايلانىستىرادى:

"ارتىقشىلىققا يە اكسيالاردىڭ قۇلاۋى ونىڭ ديۆيدەندتەر تولەمىنە، تومەن وتىمدىلىككە جانە سپەكۋلياتيۆتىك ءىس-قيمىلعا تاۋەلدىلىگىمەن بايلانىستى بولۋى مۇمكىن"

ياعني، كومپانيالار بۇل قاعازداردىڭ وتىمدىلىگى تومەن ەكەنىن مويىندايدى.

"ينۆەستورلار مەن سپەكۋليانتتار دۇربەلەڭ تۋعىزىپ، ارتىنان ونى تومەن باعادا ساتىپ الۋ ءۇشىن ماقساتتى تۇردە ارتىقشىلىققا يە اكسيالاردى ساتۋى مۇمكىن"، - دەيدى كومپانياداعىلار.

ال جاعدايدىڭ بۇلاي ويىسۋىنا ينۆسەتورلار اكسيانى ساتقان كەزدە ونى الاتىندار تابىلماي قالىپ، باعا قۇلاعان. بار-جوعى 2،2 ملن تەڭگەگە 75 باعالى قاعاز ساتىلىپ، ساۋدا-ساتتىق اياقتالعانعا دەيىن باعا 27 500 تەڭگەگە دەيىن تۇسكەن.

ياعني، جەمە-جەمگە كەلگەندە باعانى قولدايتىن ساتىپ الۋشىلاردىڭ جەتكىلىكتى كولەمى بولماي قالعان.

بۇعان دەيىن سايتىمىزدا: "قازاقتەلەكوم" اكسيالارى قاتتى قۇلدىراپ، KASEۋ-شۋ بولدى. ساراپشىلار نە دەيدى؟" دەگەن ماقالا جاريالانعان.