ماقسات - جۇمىس كۇشى تاپشى وڭىرلەرگە قونىس اۋدارۋ.
تۇركىستاندىقتاردىڭ ىشىندە سولتۇستىك وڭىردە تۇراقتاپ، جۇمىس ىستەۋ ءۇشىن تۇبەگەيلى شەشىم قابىلداعان تۇرعىندار دا جەتەرلىك.
سولتۇستىككە قونىس اۋدارۋدى قولدايتىن مەملەكەتتىك باعدارلاما قولعا الىنعان 3 جىلدىڭ ىشىندە وڭىردەن 700-دەن استام وتباسى كوشىپ بارعان.
بىلتىردىڭ وزىندە 500-گە جۋىق وتباسى جۇمىس كۇشى تاپشى وڭىرلەرگە قونىس اۋدارعان.
قونىس اۋدارۋشىلارعا مەملەكەتتەن قولداۋ زور.
تۇركىستان وبلىسى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى تۇرار قۇدايبەرگەنوۆتىڭ مالىمەتىنشە، باعدارلاما قاتىسۋشىلارىنا تۇرعىن ءۇيدى جالداۋ مەن كوممۋنالدىق قىزمەتتەرگە اقى تولەۋ شىعىندارى دا تولەنەدى.
سونداي-اق، ءاربىر وتباسى مۇشەسىنە ءبىر رەتتىك 35 اەك مولشەرىندە ماتەريالدىق كومەك بەرىلەدى. مامانداردىڭ ايتۋىنشا، ءقازىر سولتۇستىك وڭىرلەرىندە 3 مىڭنان اسا بوس جۇمىس ورنى بار.
قونىس اۋدارۋشىلار سانىنىڭ جىلدان-جىلعا ءوسىپ كەلە جاتقاندىقتان تەرىسكەي ءوڭىرى تۇرعىن ءۇي قۇرىلىسىنا دا قارقىن بەرىپ وتىر.
ايتا كەتەيىك، جىل سوڭىنا دەيىن وبلىستان ەڭبەك كۇشى تاپشى وڭىرلەرگە 1500-دەن اساتىن مۇشەسى بار 400 وتباسى قونىس اۋدارادى دەپ كۇتىلۋدە. ءقازىر سالاعا جاۋاپتىلار سولتۇستىككە كوش بويىنشا اۋىلدىق ەلدىمەكەندەردە ناسيحات جۇمىستارىن جۇرگىزۋدە.
تۇركىستان وبلىسى اكىمىنىڭ باسپا ءسوز قىزمەتءى
