Maqsat - jumys kúshi tapshy óńirlerge qonys aýdarý.
Túrkistandyqtardyń ishinde soltústik óńirde turaqtap, jumys isteý úshin túbegeili sheshim qabyldaǵan turǵyndar da jeterlik.
Soltústikke qonys aýdarýdy qoldaityn memlekettik baǵdarlama qolǵa alynǵan 3 jyldyń ishinde óńirden 700-den astam otbasy kóship barǵan.
Byltyrdyń ózinde 500-ge jýyq otbasy jumys kúshi tapshy óńirlerge qonys aýdarǵan.
Qonys aýdarýshylarǵa memleketten qoldaý zor.
Túrkistan oblysy jumyspen qamtý jáne áleýmettik baǵdarlamalar basqarmasy basshysynyń orynbasary Turar Qudaibergenovtiń málimetinshe, baǵdarlama qatysýshylaryna turǵyn úidi jaldaý men kommýnaldyq qyzmetterge aqy tóleý shyǵyndary da tólenedi.
Sondai-aq, árbir otbasy múshesine bir rettik 35 AEK mólsherinde materialdyq kómek beriledi. Mamandardyń aitýynsha, qazir soltústik óńirlerinde 3 myńnan asa bos jumys orny bar.
Qonys aýdarýshylar sanynyń jyldan-jylǵa ósip kele jatqandyqtan teriskei óńiri turǵyn úi qurylysyna da qarqyn berip otyr.
Aita keteiik, jyl sońyna deiin oblystan eńbek kúshi tapshy óńirlerge 1500-den asatyn múshesi bar 400 otbasy qonys aýdarady dep kútilýde. Qazir salaǵa jaýaptylar soltústikke kósh boiynsha aýyldyq eldimekenderde nasihat jumystaryn júrgizýde.
Túrkistan oblysy ákiminiń baspasóz qyzmeti
