Almaty turǵyny FlyArystan áýe kompaniiasyna qarsy sotqa júgingenin málimdedi. Onyń aitýynsha, is boiynsha alǵashqy sot otyrysy 20 qazanda ótedi, dep habarlaidy dalanews.kz.
Jolaýshynyń sózinshe, ol sotta dálel retinde óziniń smartfony men oqiǵa kezinde túsirilgen beinejazbalardy usynbaq.
Onyń aitýynsha, shilde aiynda Shymkent – Almaty baǵytyndaǵy reis kezinde jolaýshylar ushaq bortyna otyrǵyzylǵannan keiin shamamen 45 minýt boiy jabyq esik jaǵdaiynda otyrǵan. Avtordyń málimdeýinshe, sol ýaqytta áýe kemesinde konditsioner jumys istemegen.
«Bizdi Shymkent áýejaiynda keshki saǵat 17:00 shamasynda ushaq ishinde esikteri jabyq kúide, konditsionersiz 45 minýt ustady», – dep jazdy ol áleýmettik jelidegi paraqshasynda.
Jolaýshynyń aitýynsha, áýe tasymaldaýshy kompaniia sottaǵy ustanymynda bul jaǵdaidy eleýli quqyq buzýshylyq retinde moiyndamai otyr.
Ázirge FlyArystan kompaniiasy atalǵan jaǵdaiǵa qatysty resmi túsinikteme bergen joq. Is boiynsha sot otyrysy 20 qazanǵa belgilengen.
