Qostanailyq sýretshi ári ustaz Almurat Ahmetov Aqtaýda oqý-jattyǵý kezinde qaza tapqan 14 áskeri qyzmetshiniń rýhyna arnalǵan eskertkish jobasyn usyndy, dep habarlaidy dalanews.kz.
Jobada aspanǵa qalyqtap ushqan 14 qus beinelengen. Ár qus qaza tapqan bir sarbazdyń simvoly retinde kórsetilgen.
Avtordyń aitýynsha, eskertkish arqyly qaza tapqan sarbazdardyń rýhyna taǵzym etip, olardyń erligi men esimin el jadynda máńgi qaldyrý kózdelgen. Joba áleýmettik jelide kópshiliktiń nazaryn aýdaryp, qoldaý tapty.
Pikirler arasynda 2015 jyly qaza tapqan tórt sarbazdyń da esimin eskertkishke engizý týraly usynys aityldy.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Sýǵa ketken 17 áskeri qyzmetshiniń 14-i qaza tapty, úsheýi qutqaryldy.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
Qaiǵyly oqiǵaǵa qatysty 12 saraptama taǵaiyndaldy. Sonymen qatar, tragediiaǵa bailanysty kúdiktiler anyqtaldy. Qorǵanys ministrliginen bes adam ustaldy.
