Qazaqstannyń altyn qory 370 tonnaǵa jýyqtady, dep habarlaidy dalanews.kz.
2026 jylǵy qańtar-tamyz ailarynda Qazaqstanda 75,812 tonna altyn óndirilgen. Bul 2025 jylmen salystyrǵanda 10,105 tonnaǵa nemese 11,8 paiyzǵa az.
Qańtar-shilde ailarynda Qazaqstan 3 tonna altyn eksporttaǵan. Onyń jalpy quny 407 mln dollar bolǵan. Bul byltyrmen salystyrǵanda 35,6 paiyzǵa kóp. 2025 jyly Qazaqstan 6 tonna altyndy 617 mln dollarǵa eksporttaǵan.
Biyl qańtar-shilde ailarynda Qazaqstan altynyn negizinen Qyrǵyzstan men Resei satyp alǵan. Eksporttyń 67,6 paiyzy Qyrǵyzstanǵa, 32,4 paiyzy Reseige tiesili. Al osy kezeńdegi altyn importy 189 tonna bolyp, onyń quny 259 mln dollarǵa jetken.
Dúniejúzilik altyn keńesi málimetinshe, Qazaqstannyń altyn qory 368,38 tonnaǵa jetken. Bul kórsetkish boiynsha elimiz álemde 11-orynda tur.
Altyn qory eń kóp elder qatarynda AQSh (8 133,46 tonna), Italiia (2 451,84 tonna), Qytai (2 346,43 tonna), Resei (2 282,98 tonna) jáne Shveitsariia (1 039,94 tonna) bar. Odan keiin tizimde Úndistan (880,51 tonna), Japoniia (845,97 tonna), Polsha (632,43 tonna), Túrkiia (530,62 tonna) jáne Ózbekstan (431,71 tonna) ornalasqan.
