قازاقستاننىڭ تۇڭعىش باس مٷفتيٸ رەتبەك قاجى نىسانبايۇلى ٶمٸردەن ٶتتٸ, دەپ حابارلايدى Dalanews.kz.
باس مٷفتي ناۋرىزباي قاجى تاعانۇلى ەلٸمٸزدٸڭ تۇڭعىش باس مٷفتيٸ رەتبەك قاجى نىسانبايۇلى قايتىس بولۋىنا بايلانىستى مارقۇمنىڭ وتباسىنا كٶڭٸل ايتۋ جەدەلحاتىن جولدادى.
"قازاقستاننىڭ تۇڭعىش مٷفتيٸ رەتبەك قاجى نىسانبايۇلى حازٸرەتٸمٸز قايتىس بولدى دەگەن قارالى حابار مەنٸڭ دە جانىما قاتتى باتتى. جۋىردا عانا رەتبەك ۇستازدىڭ ٷيٸندە بولىپ, احۋال سۇراسىپ, سۇحباتتاسقان ەدٸك. اقساقالدىڭ دەم-تۇزى تاۋسىلعان ەكەن. اللا الدىنان جارىلقاسىن. يمانى ٶزٸنە سەرٸك بولسىن. ٶزٸمنٸڭ جەنە قازاقستان مۇسىلماندارى دٸني باسقارماسى ۇجىمى اتىنان مارقۇمنىڭ وتباسىنا, تۋعان-تۋىستارىنا, ەلٸمٸزدەگٸ بارشا مۇسىلمان قاۋىمىنا كٶڭٸل ايتامىن. مارقۇمنىڭ مەڭگٸلٸك مەكەنٸ جەننات بولعاي. رەتبەك حازٸرەتٸمٸز مٷفتي بولعان جىلدارى مۇسىلمان مەملەكەتتەرٸمەن تىعىز قارىم-قاتىناس ورناتىپ, ىنتىماقتاستىقتى ارتتىرا تٷستٸ. قازاقستان مۇسىلماندارى دٸني باسقارماسىنىڭ ٸرگەتاسىن قالاعان رەتبەك نىسانبايۇلى ٶزٸ باسقارعان مەرزٸم ٸشٸندە 30-دان اسا مەشٸت سالدىرۋعا ىقپال ەتتٸ", - دەدٸ قمدب تٶراعاسى, باس مٷفتي ناۋرىزباي قاجى تاعانۇلى.
ايتا كەتەيٸك, 1990 جىلى 12 قاڭتاردا الماتىدا قازاقستان مۇسىلماندارىنىڭ ٸ قۇرىلتايى ٶتٸپ, قازاقستان مۇسىلماندارى دٸني باسقارماسى قۇرىلدى. قمدب تاشكەنتتەگٸ ورتا ازييا جەنە قازاقستان مۇسىلماندارى دٸني باسقارماسىنان (سادۋم) بٶلٸنٸپ, دەربەس دٸني باسقارما بولدى. قمدب-نىڭ العاشقى تٶراعاسى, باس مٷفتي بولىپ رەتبەك قاجى نىسانبايۇلى سايلاندى.
رەتبەك قاجى 2000 جىلعا دەيٸن دٸني باسقارمانى باسقارعان.
