قاسانوۆتار وتباسى قازاقستان دامۋ بانكٸ ارقىلى جەڭٸلدٸك قاراستىرىلعان قوماقتى قارجىنى تارتا وتىرىپ, الماتىدا ەكٸ قوناق ٷي سالۋدى جوسپارلاپ وتىر. بۇل تۋرالى بانك سايتىندا پايدا بولعان تيٸستٸ قۇجاتتاردان بەلگٸلٸ بولدى, دەپ حابارلايدى Dalanews.kz.
ولاردىڭ بٸرٸ - Hilton قوناق ٷيٸن سالۋدى قاراستىرادى, قازٸردٸڭ ٶزٸندە بۇل رەتتە نەسيە ماقۇلدانعان. Meliora by Vignette Collection قوناقٷيٸ بويىنشا ەلٸ دە بانكتٸك ساراپتاما جٷرگٸزٸلۋدە.
جالپى, قاسانوۆتار وتباسى قازاقستانداعى 50 باي ادامداردىڭ قاتارىنان بولادى. ولارعا الماتىنىڭ ۆيزيت كارتاسى بولىپ تابىلاتىن - "قازاقستان" (1977 جىلى سالىنعان), سونداي-اق Ambassador Hotel Almaty قوناق ٷيلەرٸ مەن Premier Alatau قوناق ٷيدٸ دە قامتيتىن بيزنەس ورتالىعى تيەسٸلٸ. قاسانوۆتار وتباسى تٷركيياداعى بەس جۇلدىزدى Intercontinental Istanbul وتەلٸنٸڭ دە ەگەسٸ بولىپ تابىلادى.
نەگٸزٸنەن, 2024 جىلى مامىردا الماتىداعى Hilton-دى سالۋشى - Sensata كومپانيياسىنىڭ اتى بٷكٸل ەلگە جارييا بولدى. وندا دا ەيەلٸن اسا قاتىگەزدٸكپەن ٶلتٸردٸ دەپ ايىپتالىپ, 24 جىلعا سوتتالعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ سوتى كەزٸندە. سوت بارىسىندا مارقۇم سالتانات نٷكەنوۆانىڭ اعاسى ەيتٸم امانگەلدٸ Sensata كومپانيياسىن بيشٸمباەۆتار وتباسىمەن بايلانىستىرعان. ال 2024 جىلى 1 سەۋٸردە قۇرىلىس كومپانيياسى بيشٸمباەۆتىڭ Sensata Group-قا تٷك قاتىسى جوق ەكەنٸن رەسمي تٷردە مەلٸمدەدٸ.
سول كەزدە جۋرناليستەر قۇجاتتاردى اقتارا وتىرىپ, بۇل ماقساتقا قازاقستان دامۋ بانكٸنەن "Star Zem" جشس نەسيە سۇراعانىن انىقتاعان. ال بۇل جشس حاكان قاسانوۆقا تيەسٸلٸ بولىپ شىقتى. ال ول الماتى وبلىسى مەسليحاتىنىڭ بۇرىنعى دەپۋتاتى ٷسەن قاسانوۆتىڭ بالاسى ەكەن. ال ٷسەن مەن ونىڭ ٷلكەن اعاسى زيياتدين 2019 جىلدان باستاپ قازاقستانداعى ەڭ باي كەسٸپكەرلەر تٸزٸمٸنە ەنەدٸ. Forbes جۋرنالىنىڭ باعالاۋىنشا, اعايىندى قاسانوۆتاردىڭ بايلىعى 140 ملن دوللارعا باعالانادى. قوناقٷيلەردەن بٶلەك بۇل وتباسى اۋىلشارۋاشىلىعى جەنە قۇرىلىس ماتەريالدارىنا قاتىستى بٸرنەشە جشس-عا يەلٸك ەتەدٸ.
بەيرەسمي دەرەكتەرگە سەيكەس, 16 قاباتتان تۇراتىن Hilton حالىقارالىق مەيمانحانا جەلٸسٸ الماتىنىڭ تاريحي بٶلٸگٸنەن ورىن تەپپەك, ياعني 28 پانفيلوۆشىلار پاركٸ ماڭىنان, قالداياقوۆ پەن قازىبەك بي كٶشەسٸ قيىلىسىنداعى بۇرىنعى قۇرىلىس ماتەريالدارى مينيسترلٸگٸ, كەيٸننەن قازاقستان ارحيتەكتورلار وداعى ورنالاسقان عيمارات ورنىندا.
ايتا كەتسەك, بيلٸك ٶكٸلدەرٸنٸڭ ايتۋىنشا, قاڭتار وقيعاسى كەزٸندە الماتىداعى "قازاقستان" قوناقٷيٸ تەرتٸپسٸزدٸكتٸ ۇيىمداستىرعان "بٷلٸكشٸلەردٸڭ كوماندالىق شتابى" ورنالاسقان جەر بولعان.
