بەلگٸلٸ بولعانداي ەۋەلدە استاناعا ۆۆپ-نىڭ «original» نۇسقاسى ياعني, ناق ٶزٸ كەلەدٸ دەپ كٷتٸلگەن. اتاجاۋىنىڭ كٶزٸن جويعان شويگۋ مەن گەراسيموۆتىڭ سەتتٸ وپەراتسيياسىنان كەيٸن ونسىز دا ۇشاققا وتىرۋدان ٶلەردەي قورقاتىن پۋتيننٸڭ پارانوياسى تٸپتٸ اسقىنا تٷسكەن.
«ۋاگنەر» جەتەكشٸسٸنٸڭ ٶلٸمٸ «قاساپشىلاردىڭ» كرەملگە دەگەن سەنٸمٸنە سىزات تٷسٸرگەن. پريعوجيننٸڭ سوڭىندا كٷنٸ كەشە «نا موسكۆۋ» دەپ ۇرانداتقان 10 مىڭ ەسكەر قالدى. پۋتينگە تٸسٸن قايراپ جٷرگەن «ۋاگنەرلەرلٸكتەر» كرەمل كٶسەمٸ مٸنگەن ۇشاقتى قاعىپ تٷسٸرۋٸ عاجاپ ەمەس.
وسى سەبەپتٸ قازاقستانعا ۆلاديمير ۆلاديميروۆيشتٸڭ «ەگٸزٸن» جٸبەرۋ تۋرالى شەشٸم قابىلدانعان. ونىڭ دۋبلەرٸ بار ەكەنٸن پۋتيننٸڭ ەجەلگٸ دۇشپاندارى قارجىلاندىراتىن تەلەگرام ارنالار تالايدان بەرٸ ايتىپ كەلەدٸ.
مەسەلەن تٷنەۋكٷنگٸ بريكس سامميتٸندە رەسەي پرەزيدەنتٸنٸڭ سىڭارى سٶز سٶيلەگەن. وعان جٷكتەلگەن مٸندەت اۋىر ەمەس ەدٸ. يەگٸنٸڭ استىنداعى بٸر جارىم بەتتٸك مەتٸندٸ سۋدىراتىپ وقىپ شىقسا جەتكٸلٸكتٸ.
شارانىڭ 55 مينۋتىندا پرەزيدەنتتٸڭ وبرازىن سومداپ وتىرعان «دۆوينيك» كەلەسٸدەي كونفۋزعا ۇشىرايدى: ۋاقىتقا قاراماق بوپ, سول قولىنا ٷڭٸلەدٸ. بٸراق ساعاتى جوق. بٸرنەشە سەكۋند داعدارىپ تۇرىپ قالعانىن كەش اڭعارادى.
سول كەزدە عانا original پۋتينننٸڭ ساعاتتى ٷنەمٸ وڭ قولىنا تاعاتىنى ەسٸنە تٷسەدٸ. شارانىڭ سوڭىنا تامان وڭ قولىنداعى ساعاتتى سول قولىنا اۋىستىرعىسى كەلگەن دۋبلەر ناۋشنيكتٸڭ ارعى جاعىنداعى كۋراتورىنان سٶز ەستٸپ, ساعاتتى قولىمەن كٶلەگەيلەۋگە مەجبٷر بولادى.
Original پۋتين ساعاتتىڭ قاي قولىندا ەكەنٸن ويلانىپ جاتپاس ەدٸ. بٸز بٸلەتٸن پۋتين سوڭعى 20 جىل بويىنا ساعاتتى تەك وڭ قولىنا تاعىپ كەلەدٸ.
بريكس سامميتٸنەن بٶلەك كۋرسكٸ شايقاسىنىڭ 80 جىلدىعىندا تاعى سول دۋبلەر سٶز سٶيلەگەن. Original پۋتين كٶپشٸلٸك جەرگە بارۋدان قايمىعادى.
ونىڭ قازاقستانعا پويىزبەن كەلۋدٸ دە عاجاپ ەمەس.
بۇل رەتتە "دوسە" ورتالىعىنىڭ اقپاراتىن اقتارعان DALA INSIDE كەلەسٸدەي قىزىقتى دەرەك تاپتى. ۋكرايناعا تاپ بەرگەلٸ پۋتين ۇشاققا وتىرۋدى قويىپتى. ٶزٸنە ارناپ وق ٶتپەيتٸن بٸرنەشە بەرەندٸ ۋاگون جاساتقان. ۋالدايداعى رەزيدەنتسيياسىنا تەك سونىمەن قاتىنايتىن كٶرٸنەدٸ. پويىزعا تەك پرەزيدەنت پۋتين پەن پرەمەر ميشۋستين عانا كٸرە الادى. اراكٸدٸك بۇل جەرگە سوڭعى كەزدە اراققا سالىنىپ جٷرگەن مەدۆەدەۆ تە باس سۇعىپ تۇرادى ەكەن.
ال مەسكەۋ مەن استانانىڭ اراسى ٷش كٷن. مۇنداي مەرزٸمگە جاسى جەتپٸستەن اسىپ كەتكەن ۆلاديمير ۆلاديميروۆيشتٸڭ جٷرەگٸ شىداماۋى مٷمكٸن. ەڭ تيٸمدٸسٸ «ەگٸزٸن» جٸبەرۋ. پۋتيننٸڭ قازاقستان ساپارى كٷزگە جوسپارلانعان.
