Belgili bolǵandai áýelde Astanaǵa VVP-nyń «original» nusqasy iaǵni, naq ózi keledi dep kútilgen. Atajaýynyń kózin joiǵan Shoigý men Gerasimovtyń sátti operatsiiasynan keiin onsyz da ushaqqa otyrýdan ólerdei qorqatyn Pýtinniń paranoiasy tipti asqyna túsken.
«Ýagner» jetekshisiniń ólimi «qasapshylardyń» Kremlge degen senimine syzat túsirgen. Priǵojinniń sońynda kúni keshe «na Moskvý» dep urandatqan 10 myń ásker qaldy. Pýtinge tisin qairap júrgen «ýagnerlerlikter» Kreml kósemi mingen ushaqty qaǵyp túsirýi ǵajap emes.
Osy sebepti Qazaqstanǵa Vladimir Vladimirovishtiń «egizin» jiberý týraly sheshim qabyldanǵan. Onyń dýbleri bar ekenin Pýtinniń ejelgi dushpandary qarjylandyratyn telegram arnalar talaidan beri aityp keledi.
Máselen túneýkúngi BRIKS sammitinde Resei prezidentiniń syńary sóz sóilegen. Oǵan júktelgen mindet aýyr emes edi. Ieginiń astyndaǵy bir jarym bettik mátindi sýdyratyp oqyp shyqsa jetkilikti.
Sharanyń 55 minýtynda prezidenttiń obrazyn somdap otyrǵan «dvoinik» kelesidei konfýzǵa ushyraidy: ýaqytqa qaramaq bop, sol qolyna úńiledi. Biraq saǵaty joq. Birneshe sekýnd daǵdaryp turyp qalǵanyn kesh ańǵarady.
Sol kezde ǵana original Pýtinnniń saǵatty únemi oń qolyna taǵatyny esine túsedi. Sharanyń sońyna taman oń qolyndaǵy saǵatty sol qolyna aýystyrǵysy kelgen dýbler naýshniktiń arǵy jaǵyndaǵy kýratorynan sóz estip, saǵatty qolymen kólegeileýge májbúr bolady.
Original Pýtin saǵattyń qai qolynda ekenin oilanyp jatpas edi. Biz biletin Pýtin sońǵy 20 jyl boiyna saǵatty tek oń qolyna taǵyp keledi.
BRIKS sammitinen bólek Kýrski shaiqasynyń 80 jyldyǵynda taǵy sol dýbler sóz sóilegen. Original Pýtin kópshilik jerge barýdan qaimyǵady.
Onyń Qazaqstanǵa poiyzben kelýdi de ǵajap emes.
Bul rette "Dose" ortalyǵynyń aqparatyn aqtarǵan DALA INSIDE kelesidei qyzyqty derek tapty. Ýkrainaǵa tap bergeli Pýtin ushaqqa otyrýdy qoiypty. Ózine arnap oq ótpeitin birneshe berendi ýagon jasatqan. Ýaldaidaǵy rezidentsiiasyna tek sonymen qatynaityn kórinedi. Poiyzǵa tek prezident Pýtin pen premer Mishýstin ǵana kire alady. Arakidik bul jerge sońǵy kezde araqqa salynyp júrgen Medvedev te bas suǵyp turady eken.
Al Máskeý men Astananyń arasy úsh kún. Mundai merzimge jasy jetpisten asyp ketken Vladimir Vladimirovishtiń júregi shydamaýy múmkin. Eń tiimdisi «egizin» jiberý. Pýtinniń Qazaqstan sapary kúzge josparlanǵan.
