31 تامىزدان باستاپ قازاقستاندا ەيەلدەرگە ارنالعان «ۇماي» يپوتەكالىق باعدارلاماسى بويىنشا ٶتٸنٸم قابىلداۋ باستالادى. باعدارلاما ارقىلى قازاقستاندىق ەيەلدەر 50 ميلليون تەڭگەگە دەيٸن تۇرعىن ٷي نەسيەسٸن رەسٸمدەي الادى, دەپ حابارلايدى dalanews.kz.
باعدارلاما شارتتارىنا سەيكەس, ٶڭٸرلەردە ساتىپ الىناتىن باسپانانىڭ باستاپقى جارناسى كەمٸندە 15 پايىز بولۋى تيٸس. ال استانا مەن الماتى قالالارىندا العاشقى جارنا كٶلەمٸ تۇرعىن ٷي قۇنىنىڭ كەمٸندە 20 پايىزى.
نەسيە جىلدىق 14,8 پايىزدىق مٶلشەرلەمەمەن بەرٸلەدٸ. جىلدىق تيٸمدٸ سىياقى مٶلشەرلەمەسٸ 16,3–16,8 پايىز ارالىعىندا بولادى. باعدارلاما بويىنشا بەرٸلەتٸن قارىزدىڭ ەڭ جوعارى سوماسى – 50 ميلليون تەڭگە.
ٶتٸنٸم بەرۋشٸ وتباسىنىڭ ورتاشا ايلىق تازا تابىسى 1,25 ميلليون تەڭگەدەن اسپاۋى قاجەت. قاجەت بولعان جاعدايدا قوسالقى قارىز الۋشىنى تارتۋعا مٷمكٸندٸك قاراستىرىلعان.
باعدارلاماعا قاتىسۋ ٷشٸن ەيەل ادامنىڭ رەسمي جۇمىسى مەن تۇراقتى تابىسى بولۋى شارت. سونىمەن قاتار ٶتٸنٸم بەرۋشٸنٸڭ اتىندا باسقا تۇرعىن ٷيدٸڭ بولۋى نەمەسە ونىڭ وتباسىلىق جاعدايى يپوتەكا رەسٸمدەۋگە ەسەر ەتپەيدٸ.
«ۇماي» باعدارلاماسى اياسىندا پايدالانۋعا بەرٸلگەن جاڭا تۇرعىن ٷيلەردەن پەتەر ساتىپ الۋعا بولادى. سونداي-اق قازاقستان تۇرعىن ٷي كومپانيياسىنىڭ كەپٸلدٸگٸ نەمەسە ساقتاندىرۋ تەتٸگٸ بولعان جاعدايدا سالىنىپ جاتقان تۇرعىن ٷيدەن باسپانا الۋ مٷمكٸندٸگٸ قاراستىرىلعان.
بۇعان قوسا, يپوتەكا ارقىلى قايتالاما نارىقتاعى تۇرعىن ٷيدٸ دە ساتىپ الۋعا رۇقسات ەتٸلەدٸ. الايدا مۇنداي باسپانا 2016 جىلدان بۇرىن سالىنباعان بولۋى كەرەك.
ەسكە سالايىق, «ۇماي» يپوتەكالىق باعدارلاماسى العاش رەت 2021 جىلى ٸسكە قوسىلعان بولاتىن. 2023 جىلى باعدارلاما بويىنشا بٶلٸنگەن ليميت بٸرنەشە ساعات ٸشٸندە تولىق يگەرٸلدٸ. باعدارلامانى 2025 جىلى قايتا باستاۋ جوسپارلانعانىمەن, كەيٸن ونىڭ ٸسكە قوسىلۋ مەرزٸمٸ 2026 جىلعا اۋىستىرىلعان ەدٸ.
