اڭگىمە قازاقستان رەسپۋبليكاسى مەن ۇلىبريتانيا، سولتۇستىك يرلانديا بىرىككەن كورولدىگى اراسىنداعى ستراتەگيالىق سەرىكتەستىك جانە ىنتىماقتاستىق تۋرالى كەلىسىم جايىندا بولىپ وتىر. بۇعان دەيىن ناۋرىزدا قۇجاتتى ءماجىلىس ماقۇلداعان بولاتىن.

سىرتقى ىستەر ءمينيسترىنىڭ ورىنباسارى ارمان يسەتوۆتىڭ ايتۋىنشا، كەلىسىم كۇشىنە ەنگەننەن كەيىن العاشقى قادام رەتىندە ۆيزا راسىمدەرىن جەڭىلدەتۋ قاراستىرىلادى. ياعني ستۋدەنتتەرگە، وقىتۋشىلارعا، رەسمي دەلەگاسيالار مەن بيزنەس وكىلدەرىنە تالاپتار جەڭىلدەۋى مۇمكىن.

ونىڭ سوزىنشە، ۇلىبريتانيا كەيىنگى ۋاقىتتا كوشى-قون ساياساتىن قاتاڭداتىپ جاتقانىمەن، قازاقستان بۇل ماسەلەنى ەكىجاقتى كەلىسسوزدەر بارىسىندا تۇراقتى تۇردە كوتەرىپ كەلەدى. راتيفيكاسيا جاڭا كەلىسسوزدەرگە نەگىز قالىپتاستىرىپ، ۆيزا رەجيمىن جەڭىلدەتۋ باعىتىنداعى ديالوگتى ىلگەرىلەتۋگە مۇمكىندىك بەرەدى.

ايتا كەتەيىك، 2025 جىلى ۇلىبريتانيا ۇكىمەتى كوشى-قوندى قىسقارتۋ تۋرالى رەسمي مالىمدەمە جاساعان. ال 2026 جىلى 8 ساۋىردەن باستاپ بۇل ەلدە ۆيزا الىمى ءوستى.