قازاقستانداعى ورتاشا جانە مەديانالىق جالاقى كولەمى انىقتالدى، دەپ حابارلايدى Dalanews.kz.
ۇلتتىق ستاتيستيكا بيۋروسىنىڭ مالىمەتىنە سايكەس، 2024 جىلدىڭ IV توقسانىندا:
- مەديانالىق جالاقى – 308 717 تەڭگە،
- ورتاشا جالاقى – 434 982 تەڭگە.
III توقسانمەن سالىستىرعاندا، مەديانالىق جالاقى 269 378 تەڭگەدەن 308 717 تەڭگەگە دەيىن ءوستى، ال ورتاشا جالاقى 390 328 تەڭگەدەن 434 982 تەڭگەگە دەيىن كوتەرىلدى.
2023 جىلدىڭ IV توقسانىمەن سالىستىرعاندا جالاقى 10،5%-عا ءوستى، ال ينفلياسيانى ەسكەرگەندە، ناقتى ءوسىم 1،8%.
جالاقىنىڭ ارتۋى ەڭبەكاقى قورىنىڭ ۇلعايۋىمەن، جىلدىق بونۋستار مەن مەرەكەلىك سىياقىلاردىڭ بەرىلۋىمەن بايلانىستى.
سالا بويىنشا ەڭ جوعارى ءوسىم:
- اقپارات جانە بايلانىس – +32،8%
- اۋىل، ورمان جانە بالىق شارۋاشىلىعى – +22،7%
- جىلجىمايتىن مۇلىكپەن وپەراسيالار – +20،3%
ايماقتار بويىنشا جالاقى ءوسىمى
2024 جىلدىڭ IV توقسانىندا 2023 جىلدىڭ IV توقسانىمەن سالىستىرعاندا ەڭ جوعارى جالاقى ءوسىمى:
- الماتى جانە شىمكەنت قالالارىندا – +13،6%
- قاراعاندى وبلىسىندا – +13،2%
- سولتۇستىك قازاقستان وبلىسىندا – +12،9%
- اقتوبە وبلىسىندا – +12،6%
مەديانالىق جانە ورتاشا جالاقىنىڭ ايىرماشىلىعى
- مەديانالىق جالاقى – بارلىق قىزمەتكەرلەردى ەكى تەڭ توپقا بولەدى: ءبىر جارتىسى وسى سومادان از تابىس تابادى، ال ەكىنشى جارتىسى كوپ تابادى. بۇل كورسەتكىش شامادان تىس جوعارى نەمەسە تومەن جالاقىلاردىڭ اسەرىن ەسكەرمەيدى، سوندىقتان ناقتى “ورتاشا” تابىستى كورسەتەدى.
- ورتاشا جالاقى – بارلىق قىزمەتكەرلەردىڭ جالاقىسى قوسىمشا تولەمدەر، ۇستەماقىلار، سىياقىلار، سالىقتار مەن زەينەتاقى اۋدارىمدارىن ەسكەرە وتىرىپ ەسەپتەلەدى. ول جالاقى قورىنىڭ جالپى سوماسىن جۇمىسشىلار سانىنا ءبولۋ ارقىلى انىقتالادى.
