بيىل قازاقستاندىقتار تٶلقۇجاتتى ونلاين فورماتتا قايتا رەسٸمدەي الادى. بۇل تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ بٸرٸنشٸ ۆيتسە-مينيسترٸ روستيسلاۆ كونياشكين مەلٸمدەدٸ, دەپ حابارلايدى Dalanews.kz.
ٶتكەن جىلى قازاقستاندىقتار ٷشٸن جەكە كۋەلٸكتٸ ونلاين تٷردە قايتا رەسٸمدەۋ قىزمەتٸ قولجەتٸمدٸ بولعان ەدٸ. ەندٸ وسىنداي مٷمكٸندٸك تٶلقۇجاتتارعا دا ەنگٸزٸلمەك.
«بيىل وسى قىزمەتتٸ ونلاين فورماتتا كەڭەيتۋدٸ جوسپارلاپ وتىرمىز, بۇل مەسەلەنٸ ٸٸم-مەن بٸرلەسٸپ, تٶلقۇجاتتار بويىنشا پىسىقتاپ جاتىرمىز. قازٸرگٸ تاڭدا بٸز قۇجاتتى قايتا رەسٸمدەۋ باعىتىمەن كەلە جاتىرمىز, سەبەبٸ قۇجاتتى العاش رەت بەرۋ - ٶتە سەزٸمتال پروتسەسس. يدەال جاعدايدا ادامنىڭ بۇل قىزمەتتٸ شىنىمەن ٶزٸ الىپ جاتقانىن كٶزبە-كٶز تەكسەرۋٸمٸز قاجەت: فوتوسۋرەتكە تٷسٸرۋ, قولتاڭبا الۋ جەنە ٶزگە دە تالاپتار بار», - دەدٸ روستيسلاۆ كونياشكين ٷكٸمەتتەگٸ بريفينگ بارىسىندا.
ۆيتسە-مينيستر ناقتى مەرزٸمدٸ اتامادى, الايدا قىزمەت 2026 جىل ٸشٸندە قولجەتٸمدٸ بولاتىنىن ايتتى.
«نەگە بٸز بۇل ٸسكە كەزەڭ-كەزەڭٸمەن كەلٸپ وتىرمىز? سەبەبٸ پروتسەستٸڭ ازاماتتارعا ىڭعايلى, قاۋٸپسٸز ەرٸ شىنىمەن تيٸمدٸ جۇمىس ٸستەيتٸنٸنە كٶز جەتكٸزۋٸمٸز كەرەك», - دەپ تٷسٸندٸردٸ ول.
شەنەۋنٸك قازاقستاندىقتاردىڭ جٷرگٸزۋشٸ كۋەلٸگٸن ونلاين رەسٸمدەۋ مٷمكٸندٸگٸ بۇرىننان بار ەكەنٸن دە ەسكە سالدى. بۇل قىزمەتتٸ الداعى ۋاقىتتا تولىقتاي ونلاين فورماتقا كٶشٸرۋ جوسپارلانىپ وتىر. دەگەنمەن, حقكو-عا جەكە بارىپ قىزمەت العىسى كەلەتٸندەر ٷشٸن بۇل مٷمكٸندٸك ساقتالادى.
«بۇل ازامات حقكو-عا ٶزٸ كەلسە, ونى قۋىپ جٸبەرەدٸ نەمەسە قىزمەت كٶرسەتپەيدٸ دەگەن سٶز ەمەس. بٸزدٸڭ قىزمەتكەرلەر نە eGov Mobile موبيلدٸ قوسىمشاسىن ورناتىپ بەرەدٸ, نە بولماسا ٶزٸن-ٶزٸ قىزمەت كٶرسەتۋ ايماعىنا اپارىپ, قىزمەتتٸ ونلاين فورماتتا قالاي الۋعا بولاتىنىن تٷسٸندٸرٸپ بەرەدٸ», - دەدٸ كونياشكين.
جاساندى ينتەللەكت مينيسترلٸگٸندە قازاقستاندىقتار ۋاقىت ٶتە كەلە قىزمەتتەر مەن قۇجاتتاردى رەسٸمدەۋدٸڭ ونلاين فورماتىنا ٶزدەرٸ بٸرتٸندەپ تولىق كٶشەدٸ دەپ كٷتۋدە.
«بٸز ٷيرەنگەن حقكو-لار بٸرتٸندەپ ٶزگەرەدٸ. بٸردەن ايتايىن, بۇل تەز جٷرەتٸن پروتسەسس ەمەس. ەر تٷرلٸ ساناتتاعى ازاماتتاردىڭ سۇرانىسى ەرقالاي ەكەنٸن ەسكەرۋٸمٸز كەرەك. قازٸردٸڭ ٶزٸندە قىزمەتتٸ ونلاين الۋعا ىڭعايلى دەپ سانايتىندار بار - ولار بۇل مٷمكٸندٸك eGov Mobile قوسىمشاسىندا, eGov پورتالىندا نەمەسە ەكٸنشٸ دەڭگەيلٸ بانكتەردٸڭ پلاتفورمالارىندا بولسا, حقكو-عا بارمايدى. ال كەيبٸر ازاماتتار ونلاين الۋعا مٷمكٸندٸك بولا تۇرا, بەرٸبٸر حقكو-عا كەلگٸسٸ كەلەدٸ. وپەراتور كٶمەكتەسكەنٸن قالايدى - ولارعا سولاي سەنٸمدٸرەك, تىنىش», - دەپ قوستى ول.
ۆيتسە-مينيستر ٷيرەنشٸكتٸ حقكو-لاردىڭ «بەلگٸلٸ بٸر بٶلٸگٸ» ساقتالاتىنىن دا اتاپ ٶتتٸ.
