Samsung تەلەديدارلارىنىڭ قازٸرگٸ مودەلدەرٸن, سونىڭ ٸشٸندە پرەميۋم-سەرييالارىن شىعارۋ تۋرالى كەلٸسٸمگە قول قويىلدى. ٶندٸرٸس قاراعاندى وبلىسى, ساران قالاسىنداعى Silk Road Electronics كەسٸپورنىندا ورنالاسپاق. بۇل جوبا قازاقستان مەن ورتالىق ازييادا جوعارى تەحنولوگييالىق ٶنٸمگە دەگەن ٶسٸپ كەلە جاتقان سۇرانىستى قاناعاتتاندىرۋعا مٷمكٸندٸك بەرەدٸ, دەپ حابارلايدى Dalanews.kz.
"Samsung Electronics تۇتىنۋشىلىق ەلەكترونيكا سالاسىنداعى تەحنولوگييالىق كٶشباسشى رەتٸندە تۇتىنۋشىلارعا زاماناۋي تەحنولوگييالار مەن ەرەكشە پايدالانۋشى تەجٸريبەسٸن ۇسىنىپ كەلەدٸ. ەندٸ قازاقستاندا ٶندٸرٸستٸڭ ٸسكە قوسىلۋى بٸزدٸڭ كومپانييا ٷشٸن ماڭىزدى وقيعا بولماق. بۇل جەرگٸلٸكتٸ نارىققا جاقىنداي تٷسۋگە جەنە ٶنٸمدەرٸمٸزدٸڭ قولجەتٸمدٸلٸگٸن ارتتىرۋعا سەپتٸگٸن تيگٸزەدٸ", – دەدٸ Samsung Electronics Central Eurasia پرەزيدەنتٸ دجونگ يۋدجين حانىم.
جوبا اياسىندا ٶندٸرٸستٸ لوكاليزاتسييالاۋ جاڭا جۇمىس ورىندارىن اشۋعا جەنە ٶندٸرٸستٸك ينفراقۇرىلىمدى دامىتۋعا جاعداي جاسايدى.
"بۇل ىنتىماقتاستىق بٸزدٸڭ زاۋىت ٷشٸن عانا ەمەس, جالپى قازاقستاننىڭ يندۋسترييالىق دامۋى ٷشٸن دە جاڭا مٷمكٸندٸكتەر اشادى. Samsung Electronics كومپانيياسىمەن بٸرلەسە وتىرىپ, وتاندىق تۇتىنۋشىلارعا ەلەمدٸك دەڭگەيدەگٸ ٶنٸمدەردٸ قولجەتٸمدٸ باعامەن ۇسىنا الامىز", – دەدٸ Silk Road Electronics زاۋىتىنىڭ ديرەكتورى الەكساندر كريتسكيي.
جوبا ٶنەركەسٸپتٸ دامىتۋ قورىنىڭ قولداۋىمەن جٷزەگە اسىرىلىپ جاتىر. ٶندٸرٸستٸ 2025 جىلدىڭ ەكٸنشٸ توقسانىندا ٸسكە قوسۋ جوسپارلانىپ وتىر. قازاقستاندا جاسالعان العاشقى Samsung تەلەديدارلارى سول جىلدىڭ ەكٸنشٸ جارتىسىندا ساتىلىمعا شىعادى.
