20 مەملەكەتتەن جينالعان تالانتتى وقۋشىلار مەن ساراپشىلار "جەڭىستىڭ 50 جىلدىعى" اتومدىق مۇزجارعىش كەمەسىمەن سولتۇستىك پوليۋسكە ساپار شەگەتىن بولادى، دەپ حابارلايدى Dalanews.kz.
2025 جىلدىڭ 28 ساۋىردە "بىلىمگە قۇشتار" VI حالىقارالىق عىلىمي-اعارتۋشىلىق جوباسىنا شەتەلدىك قاتىسۋشىلار اراسىندا ىرىكتەۋ بايقاۋى باستالدى. بيىلعى جوبا رەسەيدىڭ اتوم سالاسىنىڭ 80 جىلدىعى مەن سولتۇستىك تەڭىز جولىنىڭ يگەرىلۋىنىڭ 500 جىلدىعىنا ارنالىپ وتىر. بايقاۋ جەڭىمپازدارى "روساتومفلوت" كومپانياسىنىڭ "جەڭىسكە 50 جىل" اتومدىق مۇزجارعىش كەمەسىمەن اركتيكاعا ەكسپەديسياعا اتتانادى. ول جاقتا قىزىقتى ءبىلىم بەرۋ باعدارلاماسىندا: دارىستەر، شەبەرلىك سىنىپتار، ۆيكتورينالار جانە تاعى باسقا شارالار قامتىلادى.
ىرىكتەۋگە 20 مەملەكەتتىڭ وقۋشىلارى، ونىڭ ىشىندە قازاقستاندىق بالالار دا قاتىسا الادى. بايقاۋعا قاتىسۋ goarctic.energy سايتىندا وتەدى.
2024 جىلى قازاقستاننان ايان ماراتوۆ قاتىسىپ، سولتۇستىك پوليۋسكە شەككەن ساپارىن ەڭ جارقىن، ءارى ۇمىتىلماس وقيعا دەپ باعالاعان ەدى.
"جەردىڭ جوعارعى جاعىنداعى العاشقى جاساعان قادامدارىم ادەتتەگىدەي بولدى. ول جاقتاعى كۇن رايى قىس كەزىندەگى استانانىڭ قارى مەن مۇزى سياقتى. ءبىراق ول جاقتاعى ايماقتىڭ كوركىن سول جەر ەمەس، ادامدار كەلتىرەدى ەكەن. ەكسپەديسياداعى ەڭ اسەرلى ءسات — قازاقستان تۋىن سولتۇستىك پوليۋسكە تىگۋ بولدى. سول ساتتە مەن جەر بەتىندەگى ەڭ سولتۇستىكتەگى قازاقستاندىق بولدىم دەپ سەنىممەن ايتا الامىن!"، — دەدى ايان.
اتومدىق مۇزجارعىش بورتىندا قىزىقتى ءبىلىم بەرۋ مەن مادەني باعدارلاما، دارىستەر، شەبەرلىك سىنىپتار، كونسەرتتەر ءوتتى. بالالار ون كۇن بويى تاڭعاجايىپ تابيعاتتى، تەڭىز جانۋارلارىن جانە ايسبەرگتەردى تاماشالادى.
بايقاۋدىڭ ىرىكتەۋى 3 كەزەڭنەن تۇرادى جانە ول 20 ماۋسىمدا اياقتالادى. سول كەزدە قورىتىندى شىعارىلىپ، سولتۇستىك پوليۋسكە ەكسپەديسياعا قاتىساتىن حالىقارالىق كوماندا انىقتالادى.
انىقتاما ءۇشىن:
"بىلىمگە قۇشتار" عىلىمي-اعارتۋشىلىق جوباسىن "روساتوم" مەملەكەتتىك كورپوراسياسىنىڭ قولداۋىمەن اتوم ەنەرگياسى جونىندەگى اقپاراتتىق ورتالىقتار جەلىسى (اەاو) ۇيىمداستىرىپ وتىر. جوبا جاراتىلىستانۋ عىلىمدارىن جانە اتوم سالاسىنىڭ تەحنولوگيالارىن تانىتۋعا، دارىندى بالالاردى انىقتاپ، ولاردى قولداپ قابىلەتتەرىن دامىتۋعا جانە كاسىبي باعىت-باعدار بەرۋدى ماقسات ەتكەن. جوباعا الەمنىڭ تۇكپىر-تۇكپىرىنەن 14-16 جاستاعى وقۋشىلار قاتىسادى. توپ جارعان ۇزدىكتەر "روساتومنىڭ" عىلىمي-اعارتۋشىلىق ەكسپەديسياسىنا قاتىسىپ، "جەڭىسكە 50 جىل" اتومدىق مۇزجارعىش كەمەسىمەن سولتۇستىك پوليۋسكە اتتانادى.
"بىلىمگە قۇشتار" جوباسى 6 جىل قاتارىنان دارىندى جانە بەلسەندى بالالارعا سولتۇستىك پوليۋسكە ۇمىتىلماس ساپار جاساۋعا مۇمكىندىك بەرىپ كەلەدى. جوبا شەڭبەرىندە 350-دەن استام دارىندى وقۋشى "روساتومنىڭ" اركتيكالىق ەكسپەديسيالارىنا قاتىسقان. 2024 جىلى "بىلىمگە قۇشتار" ەكسپەديسياسى العاش رەت حالىقارالىق فورماتتا ءوتتى. قازاقستان، ارمەنيا، وزبەكستان، قىرعىزستان، بەلارۋس، موڭعوليا، ۆەنگريا، ءۇندىستان، جۇڭگو، وار ەلدەرىنەن 15 وقۋشى مەن ساراپشىدان قۇرالعان كوماندا "جەڭىسكە 50 جىل" اتومدىق مۇزجارعىشىمەن سولتۇستىك پوليۋسكە شىقتى.
"روساتوم" جانە ونىڭ كاسىپورىندارى ءبىلىم بەرۋ، عىلىمي-اعارتۋشىلىق جانە مادەني باستامالاردى قولداۋعا جانە دامىتۋعا ەرەكشە نازار اۋدارىپ وتىر. ولار سونىمەن قاتار قازاقستان رەسپۋبليكاسىندا دا اۋقىمدى ءبىلىم بەرۋ جوبالارىن جۇزەگە اسىرۋعا، شاكىرتاقىلىق باعدارلامالار ارقىلى قولداۋ كورسەتۋگە، ستۋدەنتتەرگە تاجىريبە مەن تاعىلىمداما ۇيىمداستىرۋعا قاتىسادى.
